Алга болсон оюутны цогцсыг Ховд голоос олжээ

Энэ сарын 23-ны өдөр гэрээсээ гараад сураггүй болсон 23 настай эмэгтэйн цогцсыг өчигдөр Ховд голоос олжээ. Баян-Өлгий аймгийн Өлгий сумын Их булан багт тус аймгийн Булган сумын харьяат иргэн Л энэ сарын 23-ны өдөр ахынхаа гэрээс 07:00 цагт гараад сураггүй болсон тул мөн өдрөөс тус аймгийн Цагдаагийн газар эрэн сурвалжилжээ. Click To Tweet

Тус аймгийн Онцгой байдлын газрын 10 алба хаагч, Цагдаагийн газрын 2 алба хаагч, ар гэрийн 15 иргэн, нийт 27 хүн, 8 техник хэрэгсэлтэй 10.29-ний өдрийн 11:10 цагаас 19:30 цаг хүртэл “Соёмбот-Уул”-аас “Их булангийн-Арал” гэдэг газар хүртэл 4 км-т усаар, “Ховд” голын 2-3 метрийн гүнд 4 удаа шумбаж эрэн хайх ажиллагааг зохион байгуулжээ.

Эрэн хайх ажиллагааг 10.30-ны өдрийн 11:00 цагаас дахин эхлүүлж 13:40 цагт Ховд голоос сураггүй болсон иргэний цогцсыг олж аймгийн Цагдаагийн байгууллагад шилжүүлэн өгсөн гэж ОБЕГ-аас мэдээллээ.