А.Тлейхан: Энэ онд 160 мянган айл 19.5 тэрбум төгрөгийн шөнийн цахилгааны хөнгөлөлт эдэлнэ

Цахилгааны шөнийн тарифын хөнгөлөлтийн талаар Эрчим хүчний зохицуулах хорооноос мэдээлэл хийв. Энэ үеэр тус хорооны дарга А.Тлейхан “Хот суурин газрын агаарын бохирдлыг бууруулах зорилгоор гэр хорооллын айл өрхүүдийн шөнө хэрэглэсэн цахилгааны тариф хөнгөлөх тухай Засгийн газрын 199-р тогтоол гарсан.

Энэ хүрээнд нийслэлийн гэр хорооллын бүсэд орших хоёр тарифт тоолууртай өрхийн орой, шөнийн цагт хэрэглэсэн тарифыг 2019 оны 11-р сарын нэгнээс 2020 оны дөрөвдүгээр сарын нэгнийг хүртэлх хугацаанд 100 хувь хөнгөлөх юм.

Харин аймгийн төв болон 10000-аас дээш хүн амтай сум суурин газрын хоёр тарифт тоолууртай гэр хорооллын айл өрхийн шөнийн цагт хэрэглэсэн цахилгаан эрчим хүчний төлбөрийг 50 хувь хөнгөлнө. Энэ онд 160 мянга орчим айл өрх 19.5 тэрбум төгрөгийн хөнгөлөлт эдэлнэ. Энэ мөнгийг Засгийн газраас улсын төсөв суулгасан.

2017 онд 6 тэрбум

2018 онд 9 тэрбум

2019 онд 20 тэрбум

2020 онд 28 тэрбум төгрөгийн хөнгөлөлт үзүүлэхээр төсөвт тусгаад байна” гэв.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ