1990-ээд оны эхэн үед хэд хэдэн үүргэвчтэй аялагчдын амь насанд хүрсэн Иван Милат гэх этгээд тавдугаар сард улаан хоолой, ходоодны хорт хавдартай гэж оношлогдож, өнгөрөгч Бямба гаригт Сидней хотын шоронд 74 насандаа өөд болжээ.
Замын ажил хийдэг байсан Иван Милат 1994 оноос хойш өөрийгөө Текс хэмээн нэрлэх болж.
Цагдаагийн байгууллагын тогтоосноор тэрээр Германы гурав, Английн хоёр, Австралийн хоёр үүргэвчтэй аялагчдын аминд хүрчээ. Замын унаанд дайгдахаар гараа өргөж байсан аялагчдыг машиндаа суулгасныхаа дараа аминд нь хүрдэг гэж хожим нь мэдүүлжээ.
Хэрэг үйлдэгдсэнээс хойш 14 сарын дараа 1992, 1993 онуудад Сиднейгийн ойролцоох ой модноос хохирогчдын цогцос олдсоноор, цуврал аллага илчлэгдэж байв.
Шүүхээс Милатын гэмт хэрэгт хамтран оролцогч нууц нэгэн байгаа нь гарцаагүй гэж үзсэн боловч, нотлох баримт олдоогүй юм. Мөн Иваны хэргийг тухайн үед хариуцан ажиллаж байсан Клив Смал мөрдөн байцаагчийн хэлснээр “Баттай нотлох баримт олдсон нь энэ болохоос биш алга болсон олон аялагчдын хэргийг үйлдсэн байх боломжтой” гэжээ. Жишээлбэл, 1971 оны эхээр Сиднейгийн ой модноос хоёр гадны иргэний цогцос олдсон боловч гэмт хэрэгтнийг нь олж чадаагүй юм.
Иван Милатын бодит түүхээс сэдэвлэсэн “Wolf Creek” аймшгийн кино 2005 онд гарч байжээ.
Эх сурвалж: abcnews
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
… [Trackback]
[…] Info to that Topic: gereg.mn/news/34673 […]