• Эмэгтэй боксчид дэлхийн аваргад өрсөлдөж байна

    Сонирхогчдын боксын насанд хүрэгчдийн 11 дэх удаагийн дэлхийн аварга шалгаруулах тэмцээн ОХУ-ын Улаан-Үүд хотноо өнөөдөр эхэлж байна. Тэмцээн 10 сарын 3-наас 13-ны хооронд зохион байгуулагдах бөгөөд манай улсаас дасгалжуулагч Б.Пүрэвжаргал, М.Буянжаргал, Л.Энхбаяр, багийн эмч Э.Энхбаяр нарын бүрэлдэхүүнтэй баг тамирчид оролцож байгаа.

    • 48 кг: 2019 оны ААШТ-ий хүрэл медальт Б.Мөнгөнсаран
    • 51 кг: Л.Алтанцэцэг
    • 54 кг: Э.Мичидмаа
    • 57 кг: ААШТ-ий алтан медальт Т.Болортуул
    • 60 кг: ААШТ-ий хүрэл, ОУХМ Н.Намуун
    • 69 кг: Э.Эрдэнэтуяа
    • 75 кг: М.Мягмаржаргал нарын тамирчид оролцож байгаа юм.

    Энэ удаагийн тэмцээнд манай улсаас AIBA-н гурван одтой шүүгч Г.Бадрах оролцож байна. Манай улсаас эмэгтэйчүүдийн ДАШТ-ээс 2018 онд М.Нандинцэцэг 54 кг-ын жинд хүрэл медаль хүртэж Монгол Улсын насанд хүрэгчдийн дэлхийн аваргын анхны медалийг авчирч байлаа.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ