• Индонезийн шинэ хуулиар хамт амьдардаг хосууд гэрлэлтээ батлуулаагүй бол 6 сарын хорих ял сонсоно

    Индонез улсад гэрлэлтээс гадуурх харилцааг гэмт хэрэгт тооцох тухай эрүүгийн хуулийн төсөл нь ижил хүйстнүүдийн эрхийг ноцтой зөрчиж байна гэж хүний эрхийн байгууллагуудаас шүүмжилж эхэллээ.

    Шинэ хуулийн төсөлд гэрлэлтээс гадуурх харилцаанаас гадна гэр бүлээс гадуурх бэлгийн харилцаа, тус улсын ерөнхийлөгчийг доромжилсон үйлдлийг гэмт хэрэгт тооцон авч үзэхээр заажээ. Индонез улсын парлемент колоничлолын үеийн эрүүгийн хуулиа шинэчлэн найруулж бэлэн болгоход хэдэн арван жилийг зарцуулсны дүнд ийнхүү 628 зүйл бүхий шинэ эрүүгийн хуулиа ойрын хугацаанд батлахаар болжээ.

    Харин Индонезийн хүний эрхийн байгууллагууд шинэ эрүүгийн хууль нь эмэгтэйчүүд, шашны цөөнх болон лесби, гомо,ижил хүйстэн хүмүүсийн эрхийг зөрчиж байна гэж үзэн, тэмцлээ эхлүүллээ.

    Хүний эрхийн хяналтын байгууллагын ахлах судлаач, Индон0зийн иргэншилтэй Андреас Харсано “Индонезийн эрүүгийн хуулийн шинэчилсэн найруулгын төсөл нь зөвхөн эмэгтэйчүүдэд, шашны цөөнхөд гэлтгүй бүх Индонезчуудын хувьд сүйрэл дагуулна. Хууль санаачлагчид энэ хуулийг батлахаасаа өмнө хүний эрхийг зөрчсөн бүх заалтуудыг авч хаях ёстой” гэжээ.

    Шинэчилсэн найруулга бүхий хуулийн төслөөс дурьдвал:

    -Гэр бүлээс гадуурх бэлгийн харьцаанд орсон тохиолдолд нэг жил хоригдох

    -Хамт амьдардаг хосууд гэрлэлтээ батлуулаагүй тохиолдолд зургаан сар хоригдох

    -Үр хөндүүлэх шийдвэрийг зөвхөн эмч гаргах бөгөөд өөрөө дур мэдэн үр хөндүүлсэн тохиолдолд дөрвөн шилийн хорих ял сонсох зэрэг заалтууд багтжээ.

    Хүний эрхийг тэмцэгчид ерөнхийлөгч Жоко Видодод хуулийн төлсийг дахин эргэж харан, найруулах хүсэлтийг тавиад байгаа юм.

    Эх сурвалж: Guardian

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ