Байнгын хороо: Ерөнхийлөгчийн саналыг Ард нийтийн саналд тусгах боломжгүй

УИХ-ын Төрийн байгуулалтын байнгын хорооны хуралдаан болж хурлаар Үндсэн хуулийн нэмэлт, өөрчлөлтийн төсөлд ард нийтийн санал асуулга явуулах асуудлыг хэлэлцлээ.

Байнгын хороогоор Үндсэн хуулийн нэмэлт, өөрчлөлтийн төсөлд ард нийтийн санал асуулга (АНСА) явуулахыг УИХ дахь МАН-ын бүлэг, АН-ын зөвлөл дэмжиж байна.

УИХ дахь МАН-ын бүлгийн дарга Д.Тогтохсүрэн ард нийтийн санал асуулгыг аравдугаар сарын сүүлээр буюу аравдугаар сарын 23, 24-нд зохион байгуулах санал гаргаж байгаа юм. Сонгуулийн Ерөнхий Хороо ч энэ хугацааг дэмжиж байгаагаа илэрхийллээ. Тэгвэл хурлаар Ард нийтийн санал асуулгыг 10 дугаар сарын 30-31-нд хийхээр товоллоо.

Харин ард нийтийн санал асуулга явуулах төсвийг Засгийн газраас нөөц сангаас гаргахаар төлөвлөсөн ч Засгийн газрын хэрэг эрхлэх газрын дарга Л.Оюун-Эрдэнэ Засгийн газрын нөөц сангийн үлдэгдэл ард нийтийн санал асуулгад хүрэлцэхгүй гэв. Тиймээс санал асуулгыг зохион байгуулах зардлыг олохын тулд төсөвт тодотгол хийх санал гарлаа.

Бямба гарагт МАН-ын бүлгээс хийсэн хэвлэлийн хурлын үеэр ард нийтийн санал асуулга явуулах зардалд Ерөнхийлөгчийн сонгуультай ойролцоо хэмжээний мөнгөн хөрөнгө шаардлагатай тухай яригдсан. Тэгвэл 2017 оны Ерөнхийлөгчийн сонгуульд 14.9 тэрбум төгрөг зарцуулжээ.
Харин санал асуулгад 29 тэрбум орчмыг зарцуулахаар тооцоо гарчээ.

Төрийн байгуулалтын байнгын хорооны хуралдаанаас Ерөнхийлөгчийн засаглалтай болох тухай санал асуулгаар асууж өгөхийг хүссэнийг тусгах боломжгүй хэмээн шийдвэрлэлээ..

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ