• Э.Оюунболд Захиргааны хэргийн шүүхэд гомдол гаргажээ

    2019-08-30
    Үндэсний баяр наадмыг зохион байгуулах хороо өнгөрсөн даваа гаригт  хуралдаж Үндэсний их баяр наадамд түрүү аван Монгол Улсын аварга цол хүртсэн Э.Оюунболдоос дөрвөн төрлийн сэргээш хэрэглэсэн нь допингийн А” шинжилгээгээр баталгаажсан гэдгийг нийтэд зарласан.

    Тэгвэл үүнтэй холбоотойгоор Нийслэл дэх Захиргааны хэргийн анхан шатны шүүхэд  өчигдөр Э.Оюунболдын нэхэмжлэлтэй, Үндэсний баяр наадмыг зохион байгуулах хороонд холбогдох нэхэмжлэл ирсэн байна. Уг нэхэмжлэлийг Захиргааны хэрэг хянан шийдвэрлэх тухай хуулийн 55.1-т зааснаар захиргааны хэрэг үүсгэх эсэхийг 7 хоногийн хугацаанд шийдвэрлэх гэнэ.

    Аварга Э.Оюунболд энэхүү нэхэмжлэлдээ сэргээш  хэрэглэсэн гэх мэдээллийг олон нийтэд тараасан, Улсын аварга цолыг хураалгах шийдвэрийг Ерөнхийлөгчид хүргүүлсэн гэх маргаан бүхий захиргааны актын биелэлтийг уг маргаан эцэслэн шийдвэрлэх хүртэл хугацаанд түдгэлзүүлэх тухай дурдсан аж.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ