• В.Путин есдүгээр сарын 3-нд Монголд айлчилна

    2019-08-14

    Халхын голын байлдааны ялалтын 80 жилийн ойг тохиолдуулан Монгол Улсад ирэх есдүгээр 3-нд ОХУ-ын Ерөнхийлөгч Владимир Путин нэг өдөр айлчлахаар болжээ. Энэ тухайд Монгол Улсын Ерөнхийлөгчийн Тамгын газрын дарга З.Энхболд “ОХУ-ын Ерөнхийлөгч Путин есдүгээр сарын 3-нд айлчилна. Түүний маргааш нь Алс Дорнодын эдийн засгийн форумд ирсэн зочдоо угтах учир 3-ныхаа орой нь буцна.

    Манай Ерөнхийлөгч мөн есдүгээр сарын 4-ний өглөө ниснэ. Гэхдээ Халх голын ой есдүгээр сарын 3-ныхаа өдөр болох юм биш. Өмнөх болон дараагийн долоо хоногт нь болно. Их олон үйл явдал болно. Түүний оргил нь есдүгээр сарын 3-ны өдөр байх юм” гэсэн тайлбар өгсөн.

    Халх голын ялалтын 80 жилийн ойг хоёр улс өргөн хүрээнд тэмдэглэн өнгөрүүлэхээр төлөвлөж, энэ хүрээнд наймдугаар сарын 26-нд А.В.Александровын нэрэмжит Оросын армийн дуу бүжгийн чуулгын уран бүтээлчид манай улсад хүрэлцэн ирж тоглолтоо хийнэ. Тус чуулгын тоглолт наймдугаар сарын 28-нд Сүхбаатарын талбайд болно.

    Игорь Моисеевын нэрэмжит Улсын ардын бүжгийн эрдмийн чуулгы тоглолт, ёслолын жагсаал, буудлага хийх, нисэх хүчний үзүүлэх тоглолт, хоёр орны цэргийн дуучид, бүжигчдийн хамтарсан концерт, хүүхэд залуусын тойрон аяллыг зохион байгуулах зэрэг олон ажлыг төлөвлөжээ.

     

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ