• АНУ-д саатуулагдсан шүүгч асан С.Төмөрбатыг авчрахаар ажиллаж байна

    АТГ -аас сар бүр хийдэг хэвлэлийн хурлынхаа үеэр Салхитын мөнгөний ордод ашигт малтмалын лиценз эзэмшигч хятадуудын маргаанд Монголын хуулийн байгууллагын ажилтнууд, нэр бүхий 17 шүүгч холбогдон, тус газарт шалгагдаж буй хэргийн талаар товч мэдээлэл хийлээ.

    Энэхүү хэрэгт холбогдсон, Захиргааны хэргийн анхан шатны шүүхийн шүүгч асан С.Төмөрбат гэр бүлийн хамт биедээ их хэмжээний ам.доллартай АНУ-ын хилээр нэвтрэх гэж байгаад тус улсын хилийн албаныханд баригдан саатуулагдсан. Тэрбээр АНУ-аас цагаачлал хүссэн гэх мэдээлэл бий.

    Ерөнхийлөгч өнгөрсөн зургадугаар сарын 26-нд нэр бүхий 17 шүүгчийн бүрэн эрхийг түдгэлзүүлэх шийдвэр гаргасан орой нь шүүгч асан С.Төмөрбат Сэлэнгэ аймгийн Алтанбулаг боомтоор хил гарч, ОХУ-аар дамжин далайн чанадад очсоныг хууль, хяналтын байгууллагынхан тогтоосон ажээ.

    АТГ-ын Урьдчилан сэргийлэх, соён гэгээрүүлэх хэлтсийн дарга Т.Баярхүүгийн мэдээлснээр, шүүгч асан С.Төмөрбатыг авчрахаар хуулийн дагуу боломжит бүх аргыг ашиглаж байгаа ч АНУ шүүгч асныг эрүүгийн хэрэгт татаагүй, сэжигтэн гэж үзэж буй нь багагүй хүндрэл учруулж байгаа гэнэ.

    С.Төмөрбатыг АНУ руу зугтахаас өмнө түүний аав С нь БНХАУ-аар дамжин далайн чанадын орон руу явсан гэх мэдээллийг эх сурвалж өгчээ.

    Салхитын мөнгөний ордын хэрэгт холбогдон ШШГЕГ-ын харьяа Цагдан хорих 461 дүгээр ангид саатуулагдаж байхдаа нас барсан, гавьяат хуульч Л.Бямбаа агсны хүү С.Төмөрбатыг ийнхүү АТГ-аас үндэслэлгүйгээр хөрөнгөжсөн шүүгч хэмээн шалгаж байсан аж. Ээжийгээ нас барсны дараа “Энэ хэргийн талаарх үнэн мөнийг олно” хэмээн мэдээлэл хийж байсан тэрбээр яагаад хилээр гарч, АНУ-аас цагаачлал хүсэх болов гэдэг анхаарал татсаар байна.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ