• Ерөнхийлөгч Х.Баттулга УИХ-ын гишүүдийн тоог 108, хугацааг 5 жил болгох санал хүргүүлжээ

    Монгол Улсын Ерөнхийлөгч Х.Баттулга энэ сарын 2 -нд УИХ-ын дарга Г.Занданшатарт хүргүүлсэн албан бичигтээ Үндсэн хуулийн хоёрдугаар хэлэлцүүлэгт Ерөнхийлөгч оролцож саналаа тусгайлан гаргана гэдгээ илэрхийлсэн билээ.  Харин тэр санал нь юу байх бол гэдэг  улс төрийн хүрээнийхний дунд сонирхолтой таавар болж байсан.

    Ерөнхийлөгч Х.Баттулга Үндсэн хуульд нэмэлт, өөрчлөлт оруулах хуулийн төсөлд оруулахыг хүссэн саналаа УИХ-д хүргүүлжээ. Ерөнхийлөгчийн  УИХ-д хүргүүлээд буй санал нь:
    • 1. Одоо байгаа УИХ-ын 76 гишүүний тоог 108 болгож нэмэгдүүлэх:
    • 2. УИХ-ын бүрэн эрхийн хугацаа дөрвөн жил байгааг таван жил болгох:
    • 3. УИХ-ын 108 гишүүнийн 54-ийг нь мажоритар буюу өнөөгийн сонгуулийн системээр, гэхдээ улсаараа нэг тойрог болгож сонгох. Харин үлдсэн 54-ийг нь пропорцианаль буюу намын жагсаалт бүхий хувь тэнцүүлсэн хувилбараар сонгож байх:
    • 4. Нам байгуулах доод босгыг нэмэгдүүлж  10 мянган хүн болгох:
    • 5. Түүнчлэн   улс төрийн намуудыг үл хөдлөх хөрөнгөтэй байхыг Үндсэн хуулиар хориглох: саналыг Ерөнхийлөгч гаргаад байгаа аж.

    Ерөнхийлөгч Х.Баттулга төрийн алба, газар, газрын хэвлийн баялаг, баялгийн тэгш хуваарилалт зэрэг сэдвээр тус бүрд нь тодорхой саналуудыг хүргүүлжээ.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ