• АНУ-ын Төрийн нарийн бичгийн дарга Майк Помпео: Монголчуудад сайхан наадахыг хүсье

    АНУ-ын Төрийн нарийн бичгийн дарга Майкл Помпео Монгол Улсын Үндэсний Баяр Наадамд зориулсан мэндчилгээ дэвшүүлжээ. Тэрбээр мэндчилгээндээ “Америкийн Нэгдсэн Улсын Засгийн газрын өмнөөс би долдугаар сарын 11-ний өдөр Их баяр Наадмын нээлтээ хийж буй Монголын ард түмэнд халуун баяр хүргэе!

    АНУ болон Монгол Улс хүний эрх, ардчилал, хуульт ёсыг сахих нийгмийн хамтын эрмэлзэл бүхий бат бэх түншлэлийг бий болгосон. Бид өөрсдийн 32 жилийн дипломат харилцааг бахархалтайгаар эргэн харж, ирээдүйд Энэтхэг-Номхон далайн бүс нутаг дахь гуравдагч хөршүүдийн хувьд энэхүү харилцаагаа илүү гүнзгийрүүлнэ гэж найдаж байна.

    Энэхүү баярыг тохиолдуулан нийт монголчуудад сайхан наадахыг хүсэн ерөөж байна” гэжээ. Ийнхүү АНУ-ын улстөрчид удирдлагууд ойр ойрхон Монгол улсад хандсаар байна. Саяхан тус улсын ерөнхийлөгч Д.Трампын гадаад бодлогын зөвлөх Жон Болтон манай улсад айлчилж ГХ-ийн сайдаас эхлээд Ерөнхий сайд, УИХ-ын дарга, Ерөнхийлөгчтэй хүртэл уулзаад явсан билээ.

    Энэ бүхний цаана геополитикийн томоохон хөзөр нуугдаж байгаа хэмээн тааварлагсад олон байна. Үйл явдал хэрхэн өрнөхийг ирэх өдрүүд бидэнд харуулах билээ.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ