• Өнгөрсөн сард тарваган тахлаар хоёр хүн нас барсны улмаас Монголд ирэх 700 орчим жуулчин аяллаа цуцалжээ

    Эрүүл мэндийн сайд Д.Сарангэрэл  сүрьеэ, тэмбүүгийн халдвар гамшгийн хэмжээнд хүрсэн талаар ээлж дараалан мэдэгдэл хийсэн нь шуугиан тарьсан.

    Тэгвэл энэ асуудлаас улбаалан гадаадаас Монголд ирэх жуулчид аяллаа цуцалж байгаа тухай мэдээлэл гарах болсон. Өчигдөр л гэхэд АН-аас мэдээлэл хийж,  Эрүүл мэндийн сайдын мэдээллээс болж Монголд ирэх жуулчдын 20 хувь нь аяллаа цуцалсан гэлээ. Гэхдээ энэ талаарх албан ёсны тоо гараагүй, гарах ч боломжгүй ажээ.

    Интернетээр тархсан мэдээллээс болж тодорхой хэмжээгээр аяллаа цуцлах асуудал гарч байгааг аялал жуулчлалын салбарынхан үгүйсгэсэнгүй. Харин тавдугаар сард Баян-Өлгий аймгийн Ногооннуур сумын гэр бүлийн хоёр иргэн тарваган тахлаар нас барсан хэрэг гарсан. Үүнээс болж, Монголд ирэх байсан 700 жуулчин аяллаа цуцалжээ.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ