Нийслэлийн Сүхбаатар дүүргийн Эрүүгийн хэргийн анхан шатны шүүхэд АТГ-аас гаргасан Монгол Улсын сайд асан М.Энхсайханыг үргэлжлэн хорих хүсэлтийг хэлэлцээд хорих шаардлагагүй гэж үзэн чөлөөлөх шийдвэрийг гаргасан байна.
АТГ-ын мөрдөн шалгах хэлтсээс М.Энхсайханыг шүүхийн зөвшөөрөлгүй баривчилсан нь Үндсэн хууль болон Эрүүгийн хэрэг хянан шийдвэрлэх тухай хуулийг зөрчсөн гэж шүүх үзэн мөрдөгчийн тогтоолыг хүчингүй болгож шийдвэрлэлээ.
АТГ-аас өчигдөр /2019.06.20/ Монгол Улсын сайд асан М.Энхсайханыг баривчилж, гэрт нь нэгжлэг явуулсан. Тус газраас албан ёсоор “Тавантолгойн ордыг ашиглах Хөрөнгө оруулалтын гэрээг боловсруулах явцад бусдад хууль бус давуу байдал олгосон байж болзошгүй учраас баривчилсан” талаар товч мэдээлэл цацсан юм.
Ийнхүү МАНАН-гийн нэгэн эд эс өмнөх нөхдүүд шигээ л суллагдлаа. Өмнө нь ХХБ-ны Д.Эрдэнэбилэг, О.Орхон, Ц.Пүрэвтүвшин нар бас урьдчилан хорих төвд нэг хоноод үүн шиг суллагдаж байсан билээ.
© 2022 Бүх эрх хуулиар хамгаалагдсан. gereg.mn
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.