Их-20-ийн уулзалтын үеэр Трамп Путинтэй ч харилцаагаа сайжруулах асуудлыг хэлэлцэнэ

АНУ-ын ерөнхийлөгч Дональд Трамп ОХУ-ын ерөнхийлөгч Владимир Путинтэй уулзана гэдгээ баталсан хэмээн Reuters мэдээлэв.

Төрийн тэргүүнүүд энэ сарын 28-29-нд Япон улсад болох Их-20-ийн дээд хэмжээний уулзалтын үеэр уулзах аж. Трамп Оростой харилцаагаа сайжруулахыг хүсч байгаагаа илэрхийлжээ.

Америкийн удирдагч Хятадтай харилцах харилцаагаа ч сайжруулахыг хүсч байна. Уулзалтын үеэр Трамп мөн БНХАУ-ын дарга Си Жинпинтэй хэлэлцээ хийнэ.