Ж.Батзанданг даргаараа сонгосон ШИНЭ нам дахь олны танилууд

Засгийн газрыг огцруулахгүй хэмээх кноп дарснаас болж намаасаа хөөгдөж, нэр дэвших эрхээ хасуулсан УИХ-ын гишүүн Л.Болд, Ж.Батзандан нар ШИНЭ нам хэмээхийг байгуулсан. Тэд УИХ-ын ганц бие даагч гишүүн С.Жавхлантай тулгын 3 чулуу болон нийлж “Шударга иргэдийн нэгдсэн эвсэл” буюу ШИНЭ нам байгуулсан.
Тэгвэл анхдугаар Их хурлаа өчигдөр Төрийн ордонд зохион байгуулж, намын үзэл баримтлал, дүрмийн төслөө хэлэлцэн баталж даргаа сонгосон байна.

Намын даргад УИХ-ын гишүүн Л.Болд, Ж.Батзандан нарыг заалнаас нэр дэвшүүлсэн ч УИХ-ын гишүүн Л.Болд нэрээ татан авснаар хурлын төлөөлөгчид 100 хувийн саналаар Ж.Батзанданг сонгожээ. Мөн хурлын үеэр намын Бага хурлын 152 гишүүнийг сонгон батламжилсан аж.

Энэхүү намд олны танилууд бас орж. Тэр дундаа “гудамжны тэмцэл”-д оролцогосд олноороо орсон аж. Тухайлахад Ч.Мөнхбаяр, хадгаламж зээлийн хоршооны хохирогчоос тэмцэгч болсон Д.Оюунцэцэг гэх мэт.

Мөн МУСГЗ, зохиолч, яруу найрагч Ай.Төмөр-Очир, УИХ-ын гишүүн, дархан аварга А.Сүхбатын ах, Монгол улсын манлай уяач А.Батсүх, “Нарантуул”-ын Ш.Сайхансамбуугийн  дүү Ш.Батсамбуу гээд л үргэлжилж байна.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ