• ХХБ-ны Д.Эрдэнэбилэгийг нэг сарын хугацаатай цагдан хорихоор шийдвэрлэлээ

    Шүүхээс ХХБ-ны эзэн Д.Эрдэнэбилэгийг нэг сар цагдан хорих шийдвэрийг гаргажээ. Д.Эрдэнэбилэгийг  “Эрдэнэт” үйлдвэрийн 49 хувийн худалдан авалттай холбоотой асуудлаар АТГ болон ЭЦГ-ын хамтарсан ажлын хэсэг шалгаж байгаа.

    Өнгөрсөн гуравдугаар сарын 5-ны өдөр Эрүүгийн Цагдаагийн албаны Эдийн засагтай гэмт хэрэгтэй тэмцэх албанаас гүйцэтгэх ажиллагаа явуулж, улмаар Худалдаа Хөгжлийн Банкны эзэн Д.Эрдэнэбилэг, О.Орхон, Ц.Пүрэвтүвшин нарыг албадан баривчилж, цагдан хорьсон.

    Тэднийг ШШГЕГ-ын харъяа цагдан хорих 461-р ангид саатуулж байсан ч гуравдугаар сарын 7-ны өдөр шүүхээс үндэслэлгүйгээр цагдан хорьсон хэмээн батлан даалтад гарсан байдаг.

    Тэгвэл энэ сарын 21-нд Д.Эрдэнэбилэгийг 14 хоногийн хугацаатай цагдан хорих хүсэлтийг АТГ болон ЭЦА-ны хамтарсан ажлын хэсгээс Нийслэлийн прокурорын газраар дамжуулан Сүхбаатар дүүргийн шүүхэд хүргүүлсэн ч Д.Эрдэнэбилэгийн өмгөөлөгч н.Нямдорж шүүгчээс татгалзсан тул уг асуудлыг тухайн дүүргийн Ерөнхий шүүгч хэлэлцэх хүртэл түр хойшлуулаад байсан билээ.

    Үүний дараа цагдан хорих тухай хурлыг дахин хэлэлцсэн боловч яллагдагч Д.Эрдэнэбилэгийн өмгөөлөгч Б.Даваажанцан шүүгчээс татгалзсан тул уг асуудлыг тухайн дүүргийн ерөнхий шүүгч хянах хүртэл хугацаагаар шүүх хуралдааныг хойшлуулаад байсан ч ийнхүү өнөөдөр цагдан хорив.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ