Цагалбар:Монголын хөрөнгийн зах зээл идэвхжсэн 2018-2019 онд үнэт цаасаа олон нийтэд арилжаалсан компаниуд

2018

07 February

ЛэндМН ББСБ ХК

Санхүүгийн зохицуулах хорооны 2018.02.07-ны өдрийн хурлаар технологийн дэвшлийг санхүүгийн үйлчилгээтэй хамтатгасан Финтек бизнес моделийгМонголд анх удаа нэвтрүүлсэн “Лэндмн ББСБ”-д IPO гаргах тусгай зөвшөөрөл олгосон. Олон нийтэд анх нэгж хувьцаагаа 25₮-аар санал болгож байсан бол өдгөө хувьцааны үнэ 65₮ болж өсчээ. Анхдагч зах зээлийн захиалгаар 5 тэрбум төгрөгийн хөрөнгийг оруулалтыг татаж чадсан юм. Сүүлд олон улсын мөнгөн гуйвуулгын үйлчилгээг нэвтрүүлснээр зөвхөн ЛэндМН аппликейшний хэрэглэгчид дэлхийн 80 гаруй орон луу гар утсаараа мөнгөн гуйвуулга хийх боломжтой болж байгаа юм.

04 May

Монгол базальт ХК

2018.05.04-ний өдөр инноваци шингэсэн чулуун хөвөнгийн үйлдвэрлэл чиглэлээр үйл ажиллагаагаа явуулдаг “Монгол Базальт” ХК-д IPO гаргах тусгай зөвшөөрөл олгосон юм. Нэг бүрийн 380₮-ийн үнэтэйгээр олон нийтэд анх удаагаа санал болгож байсан бол өдгөө хувьцааны үнэ 245₮ болж буурчээ. “Монгол Базальт” ХК-ийн анхдагч зах зээлийн захиалгад 3,086 хувь хүн, аж ахуйн нэгж оролцож, нийтдээ 53 сая 562 855 ширхэг худалдан авах захиалга ирүүлсэн нь олон нийтэд санал болгосон дүнг 3.1 дахин давсан үзүүлэлт болсон юм.

29 August

Ард Даатгал ХК

2018.08.29-ний өдрийн Санхүүгийн зохицуулах хорооны ээлжит хурлаар даатгуулагчийн хэрэгцээ шаардлагад бүрэн нийцсэн, мэргэжлийн ёс зүйг баримталсан, даатгалын шилдэг үйлчилгээг санал болгодог “Ард Даатгал” ХК-ийн нийт 17 500 000 ширхэг энгийн хувьцааг нэг бүрийг нь 200₮-ийн нэрлэсэн үнэтэйгээр бүртгэж авсан. Тогтоосон үнийн аргаар нэгж хувьцаа бүрийн үнийг 700₮-өөр үнэлэн нийт 5.25 тэрбум төгрөгийг татан төвлөрүүлэх байснаас анхдагч зах зээлийн захиалга 32.7%-иар давсан захиалга авсан юм. Нэгж хувьцааны одоогийн үнэ 670₮ байгаа нь 5%-иар буурсан үзүүлэлттэй байна.

29 August

Мандал даатгал ХК

2018.08.29-ний өдрийн хорооны хурлаар “Мандал даатгал” ХХК-д анх удаа хувьцаагаа олон нийтэд нээлттэйгээр худалдаах зөвшөөрөл олгосон нь даатгалын салбараас IPO хийсэн анхны компани болсон юм. Нийт хувьцааныхаа 25% болох 1.5 сая ширхэг хувьцааг олон нийтэд санал болгож, 864 хөрөнгө оруулагч оролцож, нийт 7.5 тэрбум төгрөг татан төвлөрүүлсэн. Нэгж хувьцааны одоогийн үнэ 5500₮

14 December

Түмэн шувуут ХХК

2018.12.14-ний өдрийн Санхүүгийн зохицуулах хорооны ээлжит хурлаар өндөгний үйлдвэрлэл, худалдаа эрхэлдэг "Түмэн шувуут" ХХК-ийн гаргаж буй нэг бүр нь 20₮-ийн нэрлэсэн үнэ бүхий нийт 200,000,000 ширхэг энгийн хувьцаа бүртгэж авсан. Улмаар нийт хувьцааны 25 хувийг, тус бүрийн үнийг 200 төгрөгөөр олон нийтэд санал болгож, нийт 10 тэрбум төгрөг татан төвлөрүүлэхээр зорьсноос 9.1 хувиар давж биелүүлсэн юм. Нэгж хувьцааны одоогийн үнэ 195₮.

2019

13 March

Монос хүнс ХХК

Санхүүгийн зохицуулах хороо 2019 оны 3 дугаар сарын 13-ний өдөр хуралдаж, эрүүл мэндийн хүнсний бүтээгдэхүүн үйлдвэрлэгч Монос Хүнс компанид монголын хөрөнгийн зах зээлд IPO гаргах тусгай зөвшөөрөл олгосон.Тус компани нь нийт хувьцааныхаа 30 хувь буюу 122 сая ширхэг хувьцааг, нэгжийг нь 70 төгрөгөөр олон нийтэд санал болгож байгаа юм. Нийтдээ 8.5 тэрбум төгрөгийн хөрөнгө оруулалтыг татан төвлөрүүлэхээр төлөвлөснөөс анхдагч зах зээлийн захиалгад 3,976 хувь хүн, аж ахуйн нэгж оролцож, нийтдээ 87,982,368 ширхэг худалдан авах захиалга ирүүлсэн нь олон нийтэд санал болгосон дүнгээс 21.7 хувиар давсан үзүүлэлт болсон. СЗХ-ноос "Монос Хүнс” ХК-ийн үнэт цаасны анхдагч зах зээлийн арилжааг амжилттай болсонд тооцсон бөгөөд хувьцааны хоёрдогч зах зээлийн арилжааг 2019.05.20-ны өдрөөс эхлүүлнэ.

Цагалбар:Монголын хөрөнгийн зах зээл идэвхжсэн 2018-2019 онд үнэт цаасаа олон нийтэд арилжаалсан компаниуд

Сүрэн Лхагва

ЛэндМН ББСБ ХК

Монгол базальт ХК

Ард Даатгал ХК

Мандал даатгал ХК

Түмэн шувуут ХХК

Монос хүнс ХХК

Холбоотой мэдээ

“Монос Хүнс” IPO гаргах зөвшөөрлөө авлаа

Б.Лхагвасүрэн:Биржийг дэлгүүр, хувьцааг дэлгүүрийн бараа гэж ойлгож болно

Хятадын Старбаксын гол өрсөлдөгч Luckin Coffee компанийн үүсгэн байгуулагч Жэнни Шиан тэрбумтнуудын эгнээнд элслээ

Их уншсан

Хэдийгээр ялагдсан ч дэлхийн шилдэг 13 авьяастны нэгээр тодорсон О.Энх-Эрдэнээр бахархаж байна

Л.Оюун-Эрдэнэ:49 хувийн талд шийдвэр гаргасан шүүгчийн аавынх нь компани руу 70 сая ам.долларын гүйлгээ хийгдсэн

Д.Гангабаатар:Нам хэрэггүй,эрх мэдлийг нэг зөв хүний гарт өгье гэх нь Үндсэн хуулийн үнэ цэнийг бууруулах аюултай

Ч.Хүрэлбаатар:Яамдыг тендерээс салгах ажлыг Тендерийн хуулийн нэмэлт,өөрчлөлтөөр хийнэ

Айдас хүйдэстэй УИХ: Гишүүдийн царай гэрэл зурагт

Ахмад геологич Ц.Цэнд-Аюуш: Миний үед Цагаан суваргыг зэсийн 1 сая 200 мянган тоннын нөөцтэй гэж тогтоосон