Эрх баригч МАН-ын IY Бага хурал болж байна

2019-04-29

МАН-ын IV Бага хурал Тусгаар тогтнолын ордонд 66.5 хувийн ирцтэйгээр эхлээд байна. УИХ дахь МАН-ын бүлгийн дарга Д.Тогтохсүрэн  энэ удаагийн Бага хурлыг даргалж байгаа аж.

МАН-ын Бага хурлаар гурван асуудал хэлэлцэхээр төлөвлөсөн бөгөөд Хэнтийн аймгийн 42 дугаар тойргийн нөхөн сонгуульд нэр дэвшигчийг тодруулах, Сонгуулийн санал хураалт, дүн гаргах журам батлах тухай болон МАН-ын Удирдах зөвлөлийн тайланг тус тус хэлэлцэхээр тогтсон байна.

Баримт бичиг боловсруулах редакцийн комиссыг байгуулсны дараа МАН-ын Ерөнхий нарийн бичгийн дарга Д.Амарбаясгалан  илтгэл тавьж  Хэнтийн 42 дугаар тойргийн УИХ-ын нөхөн сонгуульд нэр дэвшүүлж оролцох нь зүйтэй гэсэн байр суурийг илэрхийллээ.

Хурал даргалагчийн гаргасан саналын дагуу хэлэлцэх асуудлын хоёрдугаарт бичигдсэн “Сонгуулийн санал хураалт, дүн гаргах журам”-ын талаархи илтгэлийг сонссоны дараа  хуралд оролцогчид санал шүүмжлэлээ хамтдаа гаргахаар болов.

“Сонгуулийн санал хураалт, дүн гаргах журам”-ын талаархи илтгэлийг намын нарийн бичгийн дарга  Ц.Бат-Энх танилцуулж дуусаад асуулт хариулт эхэлж байгаа ажээ. Хурал хаалттай үргэлжилж байна.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ