Ардчилсан намын дарга асан Ерөнхийлөгчийн Тамгын газрын дарга З.Энхболд ирэх 2020 оны сонгуульд Сүхбаатар дүүрэгт нэр дэвших гэнэ. З.Энхболд энэ удаа АН-ын ҮБХ-ны гишүүний ротацийн сонгуульд Сүхбаатар дүүрэгт нэр дэвшээд байгаа. АН-аас УИХ-д нэр дэвших эрх авахын тулд ҮБХ-ны гишүүн байх учиртай.
Өмнөх сонгуульд тэрбээр С.Эрдэнэ “вангийн хошуу” гэгддэг Баянгол дүүрэгт нэр дэвшээд МАН-аас дэвшсэн “Оргил”-ын Н.Ганбаатарт ялагдсан юм. Тиймээс энэ удаа дүүрэг, тойрог сэлгэж байгаа нь энэ аж. Энэ тухайд тэрбээр “Би энэ удаад Баянгол дүүргээс биш Сүхбаатар дүүргээс нэр дэвшиж, МАН-ын гишүүн Ц.Мөнх-Оргилтой үзнэ” гэсэн.
Ийнхүү З.Энхболд Ц.Мөнх-Оргилыг амлан авлаа. Гэхдээ ирэх оны сонгуульд Ц.Мөнх-Оргилыг МАН уг тойрогт нэр дэвшүүлээ ч билүү, үгүй ч билүү одоогоор тодорхой зүйл байхгүй.
Ардчилсан намын Үндэсний бодлогын хороо /ҮБХ/-ны гишүүдийн гуравны нэг, нийслэл, аймаг, дүүрэгт тухайн жилээсээ шалтгаалаад гуравны нэг эсвэл дөрөвний хоёр дээр нь ротаци буюу эргэлтийн сонгууль явагддаг. Энэ жил тус намын ҮБХ-ны гишүүдийн эргэлт (ротаци)-ийн сонгуулийг гуравдугаар сарын 1-ний өдрөөс эхлэн зарласан. Нэр дэвшигчид энэ сарын 8-наас 22-ныг хүртэл намын гишүүд, дэмжигчидтэй уулзах сурталчилгаа нь нийт 14 хоног үргэлжлэх юм. Харин ротацийн сонгууль гуравдугаар сарын 24-нд болно.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.