• Солонгост хөдөлмөр эрхлэх хүсэлтэй иргэдийн цахим бүртгэл маргааш 9 цагт эхэлнэ

    2019-03-10

    БНСУ-д хөдөлмөр эрхлэх хүсэлтэй иргэдийн Солонгос хэлний түвшин тогтоох шалгалтын бүртгэлийг гуравдугаар сарын 11-12-ны  өдрүүдэд цахимаар бүртгэх гэж байна.  Цахим бүртгэл нь иргэдийг  олон цагаар гадаа зогсож,  хүнд суртал гаргахгүй байхад чиглэсэн арга хэмжээ ажээ.

    Цахим бүртгэлийг 2019 оны гуравдугаар сарын 11-ний өдрийн 9:00 цагт нээж, 2019 оны гуравдугаар сарын 12-ны 18:00 цагт хаах аж.

    Хэрвээ  цахимаар бүртгүүлээд  дугаар авсан бол  энэ сарын 13, 14, 15-ны өдрүүдэд харьяа дүүрэгтээ очиж  бүртгүүлэхээр журамд заажээ. Харин орон нутаг буюу  21 аймагт уламжлалт аргаар буюу бүртгэл хийх газраа өөрийн биеэр очиж бүртгүүлнэ.

    БҮРДҮҮЛЭХ МАТЕРИАЛ

    • Гадаад паспорт эсвэл Иргэний үнэмлэх /1 хувь хуулбар/
    • Гадаад паспортын зураг 2 хувь /хэмжээ 3.5*4.5 см/
    • Бүртгэлийн хураамж 24 ам.доллар
    • Мэргэжил чадварын үнэлгээг гэрчлэх баримт материал
    • Өөрийн биеэр бүртгүүлэх

    АНХААРАХ ЗҮЙЛС

    • Монгол Улсын иргэн байх
    • 18-39 настай байх
    • Хорих ялтай эсвэл гэмт хэрэгт холбогдоогүй байх
    • БНСУ-аас албадан гаргаж байсан эсвэл тус улсыг орхин явах заримж гаргуулж байгаагүй байх
    • Монгол улсаас гарах эрхээ хязгаарлуулаагүй байх
    • Өнгө ялгах чадвартай байх /нурууны диск, гарын хуруу дутуу тохиолдолд ажил үүрэг гүйцэтгэх чадамжгүй гэж үзэн хасахыг анхаарна уу/
    • Мэргэжлийн бус ажилтны Е-9, Усан онгоцны ажилтны Е-10 визеээр БНСУ-д 5-аас дээш жил ажиллааагүй байх шаардлагатай.

    Дэлгэрэнгүй мэдээллийг  ЭНД-ээс авна уу.

     

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ