“Эко Алтан Заамар”-ын карьерийн хананд дарагдсан дөрвөн хүнээс нэгийнх нь цогцосыг гаргаж авчээ

2019-03-02

Төв аймгийн Заамар сумын нутагт үйл ажиллагаа явуулдаг “Эко Алтан Заамар” ХХК-ийн карьерийн хана нурж, тэнд дарагдсан дөрвөн хүнийг авран хайх ажиллагаа үргэлжилж байгаа.Тэгвэл өнөөдөр ОБЕГ-аас дараахь мэдээллийг өгчээ.

…Төв аймгийн Заамар сумын нутагт үйл ажиллагаа явуулж байгаа “Эко-Алтан Заамар” компанийн ил уурхайн нурангид дарагдсан дөрвөн иргэн, хоёр техник рүү хүрч очих зам тавьж, усыг соруулах хоолойн холболтыг хийж дуусгаад байна.

Түүнчлэн аврагчид таван метрийн гүнд 8 удаагийн шумбалт хийж, 19:04 цагт нэг иргэний цогцсыг гаргалаа.

Ослын голомтод ОБЕГ-ын дэд дарга, хурандаа Б.Ууганбаяр, ОБЕГ-ын ГШУГ-ын дарга, хурандаа Б.Мандахгэрэл нараар ахлуулсан Онцгой байдал,  МХЕГ,  “Эко-Алтан Заамар” ХХК,   Заамар сумын ЗДТГ-ын  нийт 100 гаруй хүн үүрэг гүйцэтгэн ажиллаж байна гэж Онцгой байдлын ерөнхий газраас мэдээллээ. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ