• НИТХ-ын даргад МАН-аас Р.Дагва, заалнаас Ц.Байгальмаа нар нэр дэвшлээ

    НИТХ-ын XXII ээлжит хуралдаан эхлээд удалгүй түр завсарлаад одоо хуралдах гэж байна. Хуралдаанаар Нийслэлийн иргэдийн Төлөөлөгчдийн Хурлын даргыг үүрэгт ажлаас чөлөөлөх тухай болон Нийслэлийн иргэдийн Төлөөлөгчдийн Хурлын даргыг сонгох тухай асуудлыг хэлэлцэж байна.

    Хуралдааныг НИТХ-ын төлөөлөгч н.Батнасан даргалж байгаа. Хуралдааны эхэнд С.Амарсайханыг Хотын даргаар томилогдсонтой холбогдуулан НИТХ-ын даргын үүрэгт ажлаас нь чөлөөллөө.

    Үргэлжлүүлэн НИТХ-ын даргыг сонгох асуудлыг хэлэлцэж эхлэв. МАН-ын бүлгээс НИТХ-ын даргад Р.Дагвыг нэр дэвшүүлж байгаагаа танилцуулсан бол заалнаас НИТХ-ын төлөөлөгч Ц.Байгалмаа өөрийгөө нэр дэвшүүллээ.

    Ингээд МАН-ын бүлгээс завсарлага хүссэнээр нэг цагийн завсарлага авч одоо хурал үргэлжлүүлэн хуралдах гэж байна.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ