Дорноговь аймгийн Зүүнбаян дахь хурандаа Д.Өлзийбаяр захирагчтай 336 дугаар ангид алба хааж байсан хугацаат цэрэг 2019 оны нэгдүгээр сарын 22-ны өдөр золгүй байдлаар амиа алдсан харамсалтай хэрэг гарсан. Эл мэдээллийн дараа ангийн удирдлагын буруугаас буюу тухайн цэргийг дэглүүлснээс болж нас барсан гэх хардлага тархсан. Тухайн үед хэвлэлийн бага хурал хийсэн Зэвсэгт хүчний жанжин штабын Бригадын генерал Б.Амгаланбаатар “Ахлагч талийгаачийг цохисон нь үнэн” хэмээн ярьж байсан билээ. Цагдаагийн ерөнхий газраас 2019 оны нэгдүгээр сарын 24-ны өдөр талийгаачийн үхлийн шалтгааны талаар мэдээлэхдээ гаднын нөлөөгүй амиа алдсан, бие дээрх хөх толбыг хүүрийн толбо хэмээн тайлбарласан нь бас шүүмжлэл дагуулсан.
Харин уг мэдээллийг талийгаачийн ар гэрийнхэн үгүйсгэж, талийгаачийг зодуулснаас болоод амиа алдсан гэсэн. Мөн талийгаачийн өмгөөлөгчид мэдээлэл хийж, “Талийгаач амьсгалын дутагдалд ороод бахардсан байхад нь баашилж байна гээд зодсон” хэмээн мэдэгдэж байв.
Тэгвэл талийгаачийн шүүх эмнэлгийн дүгнэлт өнгөрөгч баасан гаригт гарчээ. Уг дүгнэлтээр бол талийгаачийг гаднын нөлөөгүй амиа алдсан болохыг тогтоосон гэнэ.
Loading ...
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй