2019 онд ашиг дагуулах жижиг бизнесийн санаанууд

Ажлынхаа хажуугаар эсвэл гэртээ байхдаа ч жижиг бизнесийн үйл ажиллагааг удирдан явуулах боломжтой.  Харин  бизнесийнхээ санааг зөв сонгох нь хамгийн чухал. 

 Таны жижиг бизнес нь :

  1. Одоо болон ирээдүйд ашигтай байх
  2. Зах зээл тогтворгүй үед ч тасралтгүй үйл ажиллагааг хангах чадвартай байх
  3. Тухайн чиглэлээр докторын зэрэг эсвэл арван жилийн туршлага шаардахгүй байх
  4. Бизнес эхлүүлэхэд их хэмжээний хөрөнгө шаардахгүй байх хэрэгтэй.

Жижиг бизнес эрхлэгчдэд  тууштай байдал  бол хамгийн гол зэвсэг юм.

 ГАГНУУРЧИН,ЦАХИЛГААНЧНЫ ОРЛОГО ОФФИСЫН АЖИЛТНУУДЫНХААС ӨНДӨР

Гагнуур, мужаан, сантехник, цахилгаан, машин механик, тоосго өрлөг болон ган хийцээр мэргэшсэн чадварлаг мэргэжилтнүүд бусдаас хамаарахгүйгээр өөрийн бизнесийг явуулах боломжтой. Эцэг эхчүүдэд эдгээр мэргэжлийг цалин муутай гэсэн ойлголт байдгаас хүүхдээ гагнуурчин, цахилгаанчин болгохыг хүсдэггүй. Гэвч үнэндээ дуудлагаар үйлчилгээ үзүүлдэг эдгээр хүмүүс  оффисын  ажил эрхэлдэг хүмүүсээс 2-3 дахин илүү орлоготой байдаг.

ПРОГРАМ ХАНГАМЖИЙН ИНЖЕНЕРҮҮДИЙН ЖИЛИЙН ДУНДАЖ ЦАЛИН 100 МЯНГАН АМ.ДОЛЛАР

Програм хангамжийн инженерүүд болон хөгжүүлэгчид нь компьютер, гар утас зэрэг төрөл бүрийн платформ дээр веб сайт, аппликейшн зэргийг бий болгодог хүмүүс юм. АНУ-ын Хөдөлмөрийн статистикийн товчооноос мэдээлснээр, програм хангамж хөгжүүлэгчдийн эрэлт 2023 он гэхэд 17 хувиар өсөх төлөвтэй байгаа гэнэ.   Програм хангамжийн инженерүүдийн 2017 оны жилийн  дундаж цалин 100 000 ам.доллар байв.

Програм хангамжийн инженерүүдийн хувьд  хэдэн ч газар гэрээгээр ажиллах боломжтой байдгаараа давуу талтай.

2019 онд техник, технологийн салбарт дараахь мэргэжилтнүүд эрэлттэй байна.

  • Системийн шинжээчид
  • Тоног төхөөрөмж / програм хангамжийн техникч
  • Сүлжээний инженерүүд
  • Аюулгүй байдлын мэргэжилтнүүд

БЭЛЭН ХООЛНЫ ҮЙЛЧИЛГЭЭ 10 ТЭРБУМЫН ОРЛОГО ОЛНО

Хоол хийх завгүй атлаа фитнесээр хичээллэж эрүүл амьдрах хүсэлтэй хүмүүсийн тоо нэмэгдэхийн хэрээр бэлэн хоолны үйлчилгээний хэрэгцээ эрс нэмэгдэж байна. Бэлэн хоол л бол шарсан, хуурсан, тос ихтэй гэдэг ойлголт хэдийнэ ард хоцорчээ.  Шинэхэн бэлтгэсэн хоолыг үзэмж сайтай савласан нь идэх хүслийг төрүүлэхгүй байхын аргагүй. Бэлэн хоолноос гадна орц найрлагыг бэлтгэн, хэрчиж, нийт калорын хэмжээ болон болгох заавартай нь хамт хүргэдэг хүргэлтийн үйлчилгээ ч гарсан байна.  АНУ дахь энэхүү хоол хүргэлтийн төрлийн үйлчилгээ нь 2020 он гэхэд 10 тэрбумын орлого олох төлөвтэй байна.

VR ЗАХ ЗЭЭЛИЙН ХҮРЭЭ ТЭЛНЭ

Virtual reality computing (VR) нь бодит мэт мэдрэмжийг дүрслэлээр бий болгох програм, хангамжийн нэг төрөл юм. Статистик мэдээллээр 2020 он гэхэд VR зах зээлийн хүрээ 40 тэрбум ам.доллараас давах аж.

VR-ийг маш олон  зориултаар ашиглаж болно. Жишээлбэл:

  • 3D кино
  • Үл хөдлөх хөрөнгийн маркетингт ашиглах боломжтой.  Худалдан авагч шинэ гэртээ тухлан сууж байгаа дүрслэлийг бодит мэтээр авах боломжтой.
  • VR-аар бүтсэн уралдааны машин, бокс зэрэг тоглоомууд
  • Фитнесс төв орох завгүй ээжүүдэд зориулсан дасгалын видео
  • Практик дадал олгох сургалтын видео хичээлүүд(жолооны дадлага)

 

 

Сэтгэгдэл бичих

Please enter your comment!
Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Please enter your name here

four × 3 =