Монгол зэрэг дөрвөн улсын иргэдийн визийн журмыг Өмнөд Солонгос улс хөнгөлнө

2018-07-09 15:21      ГэрэгМН

Өнгөрсөн ням гарагт БНСУ-ын Хууль зүйн яамны мэдээлснээр тус улсын Засгийн газар Монгол, Беларусь, Гүрж, Украйн улсын эмч, хуульч, бусад чадварлаг ажилтнуудын олон удаагийн визийн асуудлыг авч хэлэлцэхээр болжээ.

Өмнөд Солонгос хууль бус цагаачдыг зогсоохын тулд олон удаагийн визийн хязгаарлалтыг хийгээд байсан. Тэгвэл энэ удаагийн арга хэмжээ нь олон улсын жуулчдыг татах, мэргэжилтнүүд харилцан солилцон ажиллахад дөхөм болно гэж үзж байна.

Виз нэгээс таван жилийн хугацаанд хүчинтэй байх ба виз авсан тохиолдолд Солонгост 30-90 хоногийн хугацаанд үлдэх боломжтой. Дөрвөн орны мастер болон түүнээс дээш зэрэгтэй сэтгүүлчид, бизнес эрхлэгчид ерөнхий нөхцөлийг хангавал олон удаагийн визийн өргөдөл илгээх боломжтой ажээ.  

Монголчууд Солонгосын визний өргөдөл их явуулж байгаа учир энэхүү шинэ жагсаалтад оруулжээ. Ерөнхийлөгч Мүн Жэ Ин бусад гурван улстай эдийн засгийн харилцаагаа бэхжүүлэх шинэ бодлогыг баримталж байгаа аж.

Хууль зүйн яам Солонгосын бизнес эрхлэгчдэд Монголын засгийн газар олон удаагийн визийн зөвшөөрөл өгөх талаар лавласан байна.  

Эх сурвалж: Korean times




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ