Эмч, сувилагч нар хугацаагүй ажил хаяна

2018-06-22 14:57      geregmn

Эрүүл мэндийн үйлдвэрчний эвлэлийн холбооны төлөөллүүд, мөн эмч сувилагч нар өчигдөр Хөдөлмөр, нийгмийн хамгааллын яамны гадаа суулт зарласан нь Эрүүл мэндийн сайдтай хийсэн тэдний гэрээтэй холбоотой аж. Тэд тус гэрээг Засгийн газар бүртгэх ёстой хэмээн үзэж буй бөгөөд хэрэв бүртгэхгүй бол ажил хаяна гэдгээ илэрхийллээ. Гэрээнд сувилагчийн орон тоо, эрүүл мэндийн салбарын ажилтнуудын цалинг нэмэгдүүлэх, хөдөлмөрийн аюулгүй байдлыг хангах зэргийг тусгажээ.

Монголын эрүүл мэндийн ажилтны үйлдвэрчний эвлэлийн холбооны дарга Б.Мягмараас энэ талаар тодруулахад “Бидний тавьсан шаардлагыг хүлээж аваагүй. Тиймээс бид орон даяар ажил хаялт зарлаж байна. Ажил хаях зуур мягмар болон лхагва гаригт бид хуралдана. Ажил хаялтад хэдэн хүн оролцсон нь  мягмар гаригт тодорхой болно. Бидний ажил хаялт хугацаагүй. Шаардлагыг маань хүлээн автал бид ажил хаяна” гэв.

Б.Билгүүн




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх