Путин: ОХУ ДАШТ-ий бэлтгэл ажлыг бүрэн хангасан

2018-06-14 12:32      ГэрэгМН

Өнөөдөр ОХУ-д хөлбөмбөгийн ДАШТ эхэлнэ. Тэгвэл өчигдөр Олон улсын хөл бөмбөгийн холбооны 68-р хурал болсон Уг хурлын нээлтэд ОХУ-ын ерөнхийлөгч В.Путин "ОХУ бэлтгэл ажлаа бүрэн хангасан. Дэлхийн хөл бөмбөг сонирхогчид хүрэлцэн ирж бидний зочломтгой занг мэдрэхийг хүсч байна" гэв.

Москва хотод Олон улсын хөл бөмбөгийн холбоо хуралдаж байхад Путин тусгайлан очиж, ийнхүү үг хэлсэн байна. Тэрбээр "Олон улсын хөл бөмбөгийн холбооны гишүүд ОХУ ДАШТ-ийг зохион байгуулахыг дэмжсэнд баярлаж байна. ДАШТ зохион байгуулах мөрөөдлөө ОХУ биелүүллээ. Дэлхийн хөл бөмбөг сонирхогчид Оросын орчин үеийн талбай, дэд бүтэцтэй танилцаж, хөл бөмбөгийн ДАШТ-ийг үзэхийн зэрэгцээ Оросын татах хүчийг мэдрэхийг хүсч байна" гэжээ.

Путин "ДАШТ бол өрсөлдөөн төдий биш, мөн хөл бөмбөгөөр дамжуулж олон орны ард түмэн харилцан ойлголцон, харилцан нөхөрлөж, яриа хэлцлээ нэмэгдүүлэх индэр билээ. Та бүхнийг Оросын ард түмний халуун сэтгэл, зочломтгой зантай танилцахыг хүсэж байна" гэлээ.

М.Баяр




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх