Хятадын хурдны төмөр зам дэлхийн хурдны төмөр замын 66.3 хувьд хүрчээ

2018-02-14 11:31      ГэрэгМН

2017 оны сүүлчээр Хятадын төмөр замын нийт урт 127 мянган км-т хүрчээ. Үүнээс зөвхөн хурдны төмөр зам нь 25 мянган км-т хүрч, дэлхийн хурдны төмөр замын нийт хэмжээний 66.3 хувийг эзэлсэн гэнэ.

Хятадын төмөр замын ерөнхий компанийн захирал Лү Дүнфү "Сүүлийн жилүүдэд Жэнжөү-Шүйжөү, Шанхай-Күньмин, Баожи-Ланжөү, Шыжяжуан-Жинань чиглэлийн хурдны төмөр зам ашиглалтад орохын хэрээр манай улсын дөрвөн хөндлөн, дөрвөн гулд тэнхлэгтэй төмөр замын гол шугам үндсэндээ бүрдсэн байна" гэжээ.

Хөхмөрний гурвалжин хойг, Жүжян мөрний гурвалжин хойг, Бөхай тэнгисийг тойрсон хотуудын бүлэглэлд хурдны төмөр зам сүлжилдэн зүүн, төв, баруун, зүүн хойд нутгаа холбосон аж.

Өнгөрсөн 5 жилд Хятадын хурдны төмөр замын бүтээн байгуулалт түргэн байжээ. Төмөр замын ерөнхий компанийн бүртгэлээр, 2013-2017 онд Хятадын төмөр замын үндсэн хөрөнгийн хөрөнгө оруулалт 3.9 их наяд юаньд хүрч, шинээр 29 мянга 400 км төмөр зам тавьсны 15 мянга 700 км нь хурдны төмөр зам байсан аж.

Энэ нь төмөр замын түүхэнд хамгийн их хөрөнгө оруулалт хийж, хамгийн эрчтэй байгуулсан үе гэнэ. 2016 оны 7-р сард нийтэлсэн “дунд, урт хугацааны төмөр замын сүлжээний төлөвлөгөө”-нд 2020 он гэхэд Хятадын төмөр замын сүлжээ 150 мянган км-т хүрч, хурдны төмөр зам 30 мянган км-т хүрэх юм байна.

Тэр үед Хятад улс найман хөндлөн, найман гулд тэнхлэгтэй орчин үеийн хурдны төмөр замын сүлжээг бүрдүүлнэ хэмээн Синьхуа мэдээлжээ.




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
lonh

GULD GEDEG UG N TAARCH

2018-02-15 02:34    66.181.183.250
b

Tom uls tom l bhin te gj

2018-02-14 12:58    202.131.245.210

Сэтгэгдэл нэмэх

 

Шинэ мэдээ

Эдийн засаг

Нисэгчид салбарын сайддаа хандав

2018-04-26 14:09