Чунчин хотын удирдлагыг Бо Силайгаас авсан Сунь овогтын авлигын хэрэг шүүхэд шилжжээ

2018-02-14 09:30      ГэрэгМН

БНХАУ авлигатай тууштай тэмцэж буй. Энэ тэмцэлд дээд тушаалынхан өртөх нь цөөнгүй. Тэдний нэг дэлхий даяар шуугиан тарьсаар яллагдсан Бо Силай нь Чунчин хотын намын хорооны дарга байсан.

Тэгвэл түүний оронд тус албыг нь авсан Сунь Жэнцай мөн л авлигач хэмээгджээ. Хятадын дээд удирдагчдын нэг байсан Сун Жэнцайгийн хэргийг шүүхэд шилжүүлжээ. ХКН-ын Төв хорооны улс төрийн товчооны гишүүн асан, Чунчин хотын намын хорооны дарга асан Сун Жэнцайгийн авилгын хэрэгт прокуророос мөрдөн байцаалт явуулан хэргийг нь хянан шалгаж дуусчээ.

Тяньжинь хотын Прокурорын 1 дүгээр салбар саяхан Тяньжинь хотын Дунд шатны шүүхэд хэргийг шилжүүлсэн байна. Прокурорын байгууллага хянан шалгах, зарга мэдүүлэх явцдаа шүүгдэгч Сун Жэнцайгийн эдлэх ёстой эрхийг түүнд хууль ёсоор мэдэгдэж, мөн шүүгдэгч Сунь Жэнцайгаас хэргийг асууж лавлан, түүний өмгөөлөгчийн саналыг авчээ.

Тяньжинь хотын Прокурорын 1 дүгээр салбар прокурорын газраас мэдүүлэхдээ "Сун Жэнцай ХКН-ын Бээжин хотын Шүнь И дүүргийн намын хорооны дарга, Бээжин хотын намын хорооны байнгын гишүүн, хотын намын хорооны нарийн бичгийн газрын дарга, Хөдөө аж ахуйн яамны сайд, ХКН-ын Гирин мужийн намын хорооны дарга, ХКН-ын Улс төрийн товчооны гишүүн, Чунчин хотын намын хорооны нарийн бичгийн дарга зэрэг албан тушаал хашиж байхдаа албан тушаалаа урвуулан ашиглаж, бусадтай эрх ашгийн төлөө хуйвалдан, бусдаас их хэмжээний хөрөнгө мөнгийг хууль бусаар авсан тул, хуулийн дагуу авилгын гэмт хэргийн заалтаар түүнээс эрүүгийн хуулийн хариуцлага нэхэмжлэх нь зүйтэй хэмээн үзэж байна" гэжээ.




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ

Эдийн засаг

Нисэгчид салбарын сайддаа хандав

2018-04-26 14:09