ОХУ-д иргэний агаарын тээврийн Ан-148 онгоц сүйрч 71 хүн амиа алдлаа

2018-02-12 08:26      ГэрэгМН

 Өчигдөр ОХУ-д нисэх онгоц осолдож томоохон сүйрэл боллоо. Москва-Орскын чиглэлийн Ан-148 Домодедово нисэх онгоцны буудлаас хөөрөн ниссэний дараа удалгүй алга болсон байна.

2-р сарын 10-нд 703-р нислэгийн уг нисэх онгоц буудлаас холдмогц диспетчерүүдийн дэлгэцийн талбараас бараг тэр даруйдаа алга болжээ. Москва мужийн Раменцой дүүргийн Степановский суурингийн дэргэд онгоц сүйрчээ гэж Онц байдлын яам мэдээлэв.

703-р нислэгийн онгоц 65 зорчигчтой байсан байна. Онгоцны экипаж нь зургаан хүний ​​бүрэлдэхүүнтэй байж. Осолдсон Aн-148-ын нисгэгч туршлагатай нисгэгч байсан аж. 

Онгоцны дарга Валерий Губанов нь 5000 цаг ниссэн туршлагатай нисгэгч хэмээн "Саратовский авиалиний"-ий хэвлэлийн албаны дарга Елена Воронова хэлжээ. "Онгоцны дарга Губанов Валерий Иванович, 1966 онд төрсөн, Тамбовын Цэргийн Дээд сургуулийг нисэгчээр төгссөн" гэжээ.

ОХУ-ын Ерөнхийлөгч В.Путин өчигдөр гамшгийн улмаас сүйрсэн Ан-148 онгоцны ослоор нас барсан 71 хүний ар гэрийнхэнд болон нийт ард түмэндээ хандаж гүн эмгэнэл илэрхийлжээ.

Оросын Төрийн тэргүүн гамшгийн шалтгааныг тодорхой болгох үүрэг өгсөн бөгөөд хэрвээ энэ нь гэмт хэргийн улмаас болсон бол хуулийн дагуу шийдвэрлэж шийтгэлийг шударга төлөвлөж, үүрүүлэх болно гэж амлажээ. Ослын энэхүү хэрэгт эрүүгийн хэрэг үүсгэх шийдвэр гаргасан байна.




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ

Улс төр

Баабар:Би эх оронч хүн

2018-05-23 09:04