Солонгосын хойгийн хурцадмал байдлыг намжаах сайн эхлэл байгаасай гэж хүсч байна

2018-01-10 09:32      ГэрэгМН

Өчигдөр буюу нэгдүгээр сарын 9-ний өдөр Хойд, Өмнөд Солонгос Панмунжон тосгонд хэлэлцээр эхлүүлсэн. Энэхүү хэлэлцээрт хоёр талаас 5, 5 хүн оролцсон бөгөөд өмнөдийн асуудал хариуцсан БНАСАУ-ын агентлагийн дарга Ри Сон-квон, БНСУ-ын нэгдлийн яамны сайд Чо Мен-гён нар удирдан явууллаа. Хойд Солонгосын талыг  Хойдын тамирчид Пёнчаны өвлийн олимпод оролцох асуудлыг шийдсэн.

Панмунжоны уулзалтаар БНСУ олимпийн наадмын нээлтийн ёслолд солонгос тамирчдыг нэг далбаанд дор алхахыг уриалснаас гадна 1953 оны дайны үед салж хагацсан гэр бүл, ах дүү, амраг садангуудыг уулзуулахыг хүсчээ.

Солонгос хойд, өмнөд хоёр хэсэгт хуваагдсанаас болж салсан гэр бүлийн гишүүдийн уулзалтыг жилийн бүр зохион байгуулдаг уламжлалын дагуу энэ жилийн уулзалтыг хоёрдугаар сарын 16-нд Цагаан сарын баяраар зохион байгуулахаар талууд тохиролцлоо.

БНСУ, БНАСАУ-ын дээд хэмжээний уулзалт болсонтой холбогдуулан БНХАУ-ын ГХЯ-ны хэвлэлийн төлөөлөгч Лү Кан мэдэгдэл хийлээ.

Тэрбээр "Бид БНСУ, БНАСАУ дээд хэмжээний уулзалт хийж буйд баяртай байна. Энэ уулзалт Солонгосын хойгийн хурцадмал байдлыг намжаах сайн эхлэл байхыг хүсэж байна. Бид энэ уулзалтыг дэмжиж, бүрэн ойлгож, туслалцаа үзүүлэхийг олон улсын хамтын нийгэмлэгээс хүсэж байна" гэжээ.




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
ubtz

MUNHNAR EEJ

2018-01-11 01:08    59.153.115.104

Сэтгэгдэл нэмэх