Египетийн ерөнхийлөгчийн сонгуулийг товлон зарлалаа

2018-01-09 14:44      ГэрэгМН

Египетийн сонгуулийн ерөнхий хороо "2018 оны Египетийн ерөнхийлөгчийн сонгууль 3-р сарын 26-28-нд явагдаж, гадаадад амьдарч буй сонгогчид 3-р сарын 16-18-нд саналаа өгнө" хэмээн өчигдөр зарлажээ.

Египетийн сонгуулийн ерөнхий хорооны дарга Лазеен Ибрахим "Хэрэв хоёр дахь шатны сонгууль хийх нөхцөл бүрдэхгүй тохиолдолд сонгуулийн үр дүнг 4-р сарын 2-нд зарлана. Харин хоёр дахь шатны сонгууль хийх нөхцөл бүрдвэл дотоодын сонгогчид 4-р сарын 24-26-нд, гадаадад байгаа сонгогчид 4-р сарын 19-21-нд саналаа өгч, эцсийн үр дүнг 5-р сарын 1-нд нийтэлнэ" гэжээ.

Египетийн сонгуулийн ерөнхий хороо 1-р сарын 20-29 хүртэл Ерөнхийлөгчийн сонгуульд нэр дэвшигчдийг бүртгэн авах бөгөөд журмын дагуу нягтлан шалгасны эцэст 2-р сарын 23-нд нэр дэвшигчдийн жагсаалтыг нийтэлнэ гэжээ.




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх