Ханхүү Харригийн хурим Их Британид 700 орчим сая доллар авчирна

2018-01-04 14:53      ГэрэгМН

-Хуримын үеэр жуулчдын тоо өснө гэж шинжээчид үзэж байна-

Уэльсийн ханхүү Харри, Америкийн жүжигчин Меган Маркл нарын хурим Британийн эдийн засагт дор хаяж 600 сая доллар авчирна.

Ийм төсөөллийг санхүүгийн зөвлөх Brand Finance компани гаргажээ. Ханхүүгийн хуриманд багадаа 350 мянган жуулчин ирнэ гэж тооцоолж байна. 2011 оны 4-р сард хунтайж Уильям, Кейт Мидлтон нарын хурим хийх үеэр үүнтэй адил үзэгдэл ажиглагдсан аж.

Компанийн гүйцэтгэх захирал Дэвид Хэй жуулчдын тээвэр болон зочид буудалд төлөх мөнгө тус улсад 272 сая доллар авчрах бол хуримтай холбоотой бэлэг дурсгалын бүтээгдэхүүний үйлдвэрлэл, малгай, футболк хийдэг хувийн хэвшлийн оролцогч байгууллагуудад ашиг гарах аж.

Үүний зэрэгцээ, хаант улсын нийслэл Лондонд 135 сая доллар авчрах зар сурталчилгааны боломж олгоно гэж Reuters мэдээллээ.

Ханхүү Харри, холливудын жүжигчин Меган Маркл нарын хуримыг 5-р сарын 19-нд зохион байгуулна. Энэ өдөр Английн хөлбөмбөгийн цомын тэмцээний эцсийн шатны тоглолт болох юм.

М.Баяр




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ

Цаг үе

Үүл буудаж, цас оруулжээ

2018-04-19 15:08