Д.Цэнджавын “Цэвдэг жаран” роман мэндэллээ

2017-12-19 13:21      ГэрэгМН

Соёлын гавьяат зүтгэлтэн Д.Нацагдорж, С.Буяннэмэх нарын нэрэмжит шагналт зохиолч, сэтгүүлч Долгорын Цэнджавын “Цэвдэг жаран” роман уншигчдын гар дээр очлоо.

ХХ зууны түүхэнд хар мөр болж үлдсэн 1930-аад оны улс төрийн хэлмэгдүүлэлтийн тухай өгүүлэх туульсийн томоохон хэмжээний энэ зохиол нь 2017 оны романы хувьд отгон бүтээл болж байгаа юм байна.

Номын нээлтэд Ардын уран зохиолч Т.Галсан, Соёлын гавьяат зүтгэлтэн, зохиолч С.Дулам, Т.Баасансүрэн нарын зохиолч, эрдэмтэн оролцож үг хэлэв.

Уг романыг шүүн тунгаасан Төрийн шагналт түүхч Д.Өлзийбаатар хэлэхдээ “Энэ нь уран зохиолын төрлөөр бол роман гэх ч Монголын түүхийн олны анхаарал татдаг нэгэн үеийн тодорхой үйл явдал, баримтад тулгуурласнаараа өнөө үеийнхэнд тухайн үеийн улс төрийн амьдралын үнэн мөнийг зөв ойлгуулах асар үнэтэй бүтээл болсон гэдгийг мэргэжлийн үүднээс дүгнэж байна. Түүхэн баримтыг зохиолч тун нягт нямбай боловсруулжээ. Иймээс утга зохиол, түүхийн чиглэлээр сурч буй залууст үзэж судлах гол сурах бичиг нь юм” гэлээ.

Тэгвэл Т.Галсан гуай, УИХ-ын гишүүн Д.Тэрбишдагва, зохиолч С.Дулам нарын үгнээс яруу тансаг монгол хэл бүтээл бүхнээс нь түүний мөр болгоноос нь үнэртэж байдаг. Энэ “Цэвдэг жаран” роман ч түүний нэг нь байлаа гэж байлаа.

Д.НАДМИД

Эх сурвалж: “Зууны мэдээ” сонин




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ

Цаг үе

Үүл буудаж, цас оруулжээ

2018-04-19 15:08