Нийслэлийн ИТХ-ын төлөөлөгч  С.Мөнхчулууны дүү С.Бямбацогт  “сэлэмчин” төдийгүй хар тамхичин байжээ

2017-11-15 14:14      ГэрэгМН

 

Өнгөрсөн ням гаригийн  шөнө Баянгол дүүргийн I хороонд байрлах "Castle" баарны үүдэнд хэсэг залуус танхайрч, нэг нь сэлэм эргүүлэн бусдын бие махбодод халдахыг завдсан хэрэг гарсан. Тэр танхайрсан этгээд нь С.Бямбацогт гэгч байсан бөгөөд нийслэлийн МАН-ын дэд дарга, нийслэлийн ИТХ-ын төлөөлөгч С.Мөнхчулууны дүү ажээ.  Өнөө өглөө ах С.Мөнхчулуун нь “Миний дүү тоглоомон сэлэм барьж явсан” гэж мэдэгдсэн бол дүүг нь урд шөнө хар тамхины хэргээр баривчилсан мэдээлэл цацагдлаа.

С.Бямбацогтыг Баянзүрх дүүрэгт хар тамхи хэрэглэсэн, мансуурсан байдалтай явж байсныг цагдаагийнхан илрүүлж, саатуулжээ.Түүнийг цагдаагийнхан эрэн сурвалжилж байсан байна.    С.Бямбацогтын  сэлэм эргүүлсэн зодоонд найман залуу оролцсон бөгөөд  сэлэмтэй этгээд  бусдын биед гэмтэл учруулсан гэгдэж буй юм.

 Нийслэлийн МАН-ын дэд дарга, нийслэлийн ИТХ-ын төлөөлөгч С.Мөнхчулуун төрсөн дүүгээ өөрт нь хамаагүй гэж мэдэгдсэн байна. Гэвч улстөрийн соёл өндөр хөгжсөн орнуудад хамгийн их хамаатай байдаг. Түүнийг дүүгийнхээ өмнөөс уучлалт гуйх болов уу гэтэл “Надад хамаагүй, тоглоомон сэлэм барьж явсан байна лээ” гэхчилэн хэвлэлд ярьжээ. 

Г.Шагай




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх