Хөлбөмбөгийн ДАШТ-2018-ын хоёрдахь шатны тасалбарыг 11 сарын 16-нд зарж эхэлнэ

2017-11-15 13:04      ГэрэгМН

11-р сарын 16-нд Москвагийн цагаар 12.00 цагт зарж эхэлнэ гэж FIFA-гийн хэвлэлийн алба мэдээллээ. Фанатууд FIFA.com/bilet дээр бүртгүүлсэн дугаараараа дуртай цагтаа тасалбарыг худалдан авч болох аж. ОХУ-ын иргэдэд зориулагдсан дөрөв дэх категорийн тасалбарыг худалдан авах боломжгүй ажээ.

Аравдугаар сарын 12-нд борлуулалтын эхний үе дууссан аж. Эхний борлуулалтаар 622,177 тасалбар хуваарилагдан зарагдсан ажээ.

Нийт 3,496,204 тасалбар зарахаар болсон аж. Тасалбарын 57 хувийг Оросын фанатуудад зарахаар болжээ. Гадны фанатуудын дундаас ихэнх тасалбаруудыг нь АНУ, Хятад, Герман, Бразил, Израилаас авч байгаа аж.

"Цөөхөн хэдэн баг шалгарах үлдсэн бөгөөд бид одоо худалдаанд гарч байгаа тасалбаруудын эрэлт хэрэгцээ улам ихэснэ гэж найдаж байна" хэмээн FIFA-гийн тасалбарын хэлтсийн дарга Фалк Эллер хэлсэн байна.

М.Баяр




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх