В.Путин: ОХУ, Туркийн харилцаа бараг бүрэн сэргэсэн

2017-11-14 13:39      ГэрэгМН

Оросын Сочи хотноо ОХУ-ын ерөнхийлөгч Путиний урилгаар Туркийн ерөнхийлөгч Эрдоган ажлын айлчлал хийлээ.

Путин Эрдогантай уулзахдаа "ОХУ, Туркийн харилцаа бараг бүрэн сэргээд байна" гэж хэлсэн байна. Путин "ОХУ, Туркийн худалдаа 2016 онд буурсан ч энэ оны эхний 8, 9 сард 1/3 хувиар өсөн нэмэгдлээ. Хоёр орон бүс нутгийн болон олон улсын асуудлаар хамтран ажиллаж байна" гэжээ.

Эрдоган "Турк, ОХУ хоёр орны улс төр, цэргийн болон худалдааны салбарын харилцаа улам бүр нягтарч, хоёр орны дээд хэмжээний хэлхээ холбоо улам олширч байна. Уулзалтаас гадна хоёр орны удирдагчид байнга утсаар ярьж байна" гэжээ.

Турк улс 2015 оны 11-р сард Турк, Сирийн хилд үүрэг гүйцэтгэж байсан Оросын байлдааны онгоцыг буудаж унагааснаас болж ОХУ 2016 оны 1-р сард Туркт хөдөө аж ахуйн бүтээгдэхүүний импорт зэрэг эдийн засгийн хориг тавьсан юм.

2016 оны 6-р сард Эрдоган Оросын байлдааны онгоцыг буудаж унагаасан хэрэгт холбогдуулан Путинаас уучлал гуйснаас хойш хоёр орны харилцаа сэргэж, Оросын тал хоригуудаа цуцалж эхэлсэн билээ.

М.Баяр




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх