УИХ 2018 оны төсвийг баталлаа

2017-11-14 12:17      ГэрэгМН

УИХ-ын өнөөдрийн чуулганы хуралдаанаар 2018 оны төсвийн төслийг баталлаа. Ирэх оны төсвийн орлого 7.2 их наяд, зарлага 9.6 их наяд байх юм.

7.2 их наядын орлогын 6.2 их наяд нь татвараар, үлдсэн нэг их наяд нь татварын бус орлогоор төвлөрнө гэж тооцжээ. Татварын бус орлого гэдэгт өмч хувьчлал багагүй хувь эзэлж байна.

Тухайлахад, Төрийн банкийг хувьчилж 100 тэрбум төгрөг төвлөрүүлнэ гэж тооцжээ. 6.2 их наядын зарлагын 1.7 их наяд нь цалинд, 1.8 их наяд нь тэтгэвэр тэтгэмжид, 1.1 их наяд нь зээлийн үйлчилгээний төлбөрт, 625 тэрбум төгрөг нь хөрөнгө оруулалт, үлдэж байгаа хоёр их наяд нь урсгала зардал зарцуулагдах юм.

Төсвийн алдагдал дотоодын нийт бүтээгдэхүүний найман хувьтай тэнцэж байна. УИХ төсвийн төслийг жил бүрийн арваннэгдүгээр сарын 15-ны дотор батлах хуулийн зохицуулалттай байдаг ба хэрвээ баталж чадахгүй бол тарах ёстой юм.




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх