Умард Америкийн чөлөөт худалдааны гэрээг цуцална хэмээн Трамп хөршүүдээ сүрдүүллээ

2017-10-12 15:01      ГэрэгМН

Дональд Трамп "АНУ-ын зүгээс Канад, Мексиктэй байгуулсан Умард Америкийн чөлөөт худалдааны гэрээг цуцална" хэмээн дахин сүрдүүлж, энэ хоёр оронтой хоёр талын худалдааны гэрээ тус тусад нь байгуулж болзошгүй гэдгээ мэдэгджээ.

Өчигдөр Цагаан ордонд, Дональд Трамп АНУ-д айлчлан очсон Канад улсын ерөнхий сайд Жастин Трюдотэй хамт сэтгүүлчидтэй уулзах үедээ "Умард Америкийн чөлөөт худалдааны гэрээг шинэчлэх тухай хэлэлцээг үргэлжлүүлэх нь маш хүнд ажил бөгөөд гурван орон санал нэгдэж чадахгүй байж ч мэднэ. Хэрвээ саналаа нэгтгэж чадахгүй бол Умард Америкийн чөлөөт худалдааны гэрээг цуцална" гэжээ.

Жастин Трюдо мөн өдөр Канадаас АНУ-д суугаа элчин сайдын яаманд илтгэл тавих үедээ "Умард Америкийн чөлөөт худалдааны гэрээг шинэчлэх боломжтой гэдэгт миний бие итгэлтэй байна. Энэ нь Америк, Канад, Мексик гурван орны иргэдэд бүгдэд нь өгөөжтэй юм. Харин энэ талаар Дональд Трампын засгийн газар тогтвортой мэдээлэл өгөхгүй байгаа тул Канад улс ч бүрэн бэлтгэлтэй байх шаардлагатай боллоо" гэж мэдэгдлээ




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх