Д.Хаянхярваа: Сайдад нэр дэвшигчдийн нэрийг АТГ болон Ерөнхийлөгчид хүргүүлсэн

2017-10-12 12:23      ГэрэгМН

МАН-ын бүлгийн хуралдаанаар сайдад нэр дэвшигчдийг хэлэлцэн дэмжиж эцэслэн баталгаажуулжээ.

Энэ талаар МАН-ын бүлгийн дарга Д.Хаянхярваа "Сайдад нэр дэвшигчдийнхээ нэрсийг Ерөнхийлөгч болон АТГ-т илгээсэн. Хуулийн дагуу сайдад нэр дэвшигчдийг Ерөнхийлөгчтэй зөвшилцөхөөс гадна АТГ-т танилцуулж эрх ашгийн зөрчилтэй эсэхийг нь тогтоолгодог.

Ерөнхийлөгч болон АТГ-аас хариу ирсэн тохиолдолд УИХ-д өргөн барьж хэлэлцүүлнэ. МАН хуулийн хугацаандаа багтаж, Засгийн газраа байгуулна. МАН бол улстөрийн том хүчний хувьд цаашид улс эрх ашгийн төлөө нэгдээд эдийн засгаа сайжруулаад явна. Тууштай ажиллаад явна. Итгэж болно" гэлээ.

Мэдээллийнхээ дараа сэтгүүлчдийн сонирхсон асуултад хариулав.

-Шинэ Засгийн газар дэд сайдтай ажиллах уу?

-Ерөнхий сайд дэд сайдтай ажиллана гэсэн чиглэл барьж байгаа.

-Засгийн газрын гишүүдийг дан УИХ-ын гишүүдээс сонгож байгаа нь мэргэжлийн байлгах гэж үү, эсвэл тогтвортой байлгах гэсэн үүднээс ийм сонголт хийв үү?

-Одоогоор Засгийн газарт ямар нэгэн нэр өгөөгүй байна. Энэ бол Монгол Улсын Засгийн газар. Энэ асуудлыг МАН-ын бүлэг, Удирдах зөвлөл гээд бүх шатанд тодорхой сайн ярилцсаны үндсэн дээр шийдсэн. Нэлээн нухацтай ярилцсан. Монгол Улсын Засгийн газрыг яаж тогтвортой ажиллуулах уу, хүчтэй байлгах уу гэдгийг ярилцаж байгаад шийдсэн шийдэл.

-Нэр дэвшигчдийг санал болгохдоо ямар шалгуур тавьсан бэ?

-Засгийн газрын гишүүдийг сонгохдоо нэлээн ярилцсан. Хэвлэл мэдээллийн хэрэгслээр тохиролцлоо, нэг намын эвслийн Засгийн газар байгуулагдах гэж байна гэж янз бүрээр бичиж байна. Бид ярилцсан. Мөн ард иргэдийн зүгээс ирж байгаа олон шүүмжлэлийг сонсож, ер нь Засгийн газрын гишүүнийг мэдлэг боловсролтой, туршлагатай, салбараа мэддэг салбараа бүрэн дүүрэн аваад явчих чадвартай хүмүүсээ сонгосон.

-УИХ-ын дэд дарга Ц.Нямдорж сайдаар томилогдож байгаа юм байна. Тэгэхээр УИХ-ын дэд даргынх нь албан тушаалыг яах вэ. Оронд нь томилох хүнээ сонгосон уу?

-Дараагийн асуудлыг яриагүй байна. Засгийн газрын гишүүдээ томилсны дараа энэ асуудлыг ярих ёстой.

-АН-ын зүгээс таван яаманд "давхар дээл"-тэй байхыг зөвшөөрнө гэж байсан. Гэвч бүх сайд давхар дээлтэй байх нь. Ингэснээр яг томилгооны үеэр АН дэмжихгүй, танай нам эв зүйгээ олоогүй байвал зарим сайд нар томилогдож чадахгүй байх вий гэсэн асуудал байна?

-Дан, давхар дээлийг хуулиар хориглосон зүйл байхгүй. МАН-ын бүлгийг сайд нараа томилж чадахгүй байх вий гэсэн болгоомжлол байх шиг байна. Тийм зүйл байхгүй. Би өмнө нь ч хэлж байсан. МАН дотооддоо эв зүйгээ олж чадна гэж. Ямар нэгэн зөрчил байхгүй. Ажил тууштай үргэлжилнэ.

-Шинэ сайд нар давхар цалин авахгүй гэдгийг сайд нар дэмжиж байгаа юу?

-Анхнаасаа л тийм байсан. Сайд хийж байгаа гишүүн УИХ-ын гишүүнийхээ юм уу, сайдынхаа аль нэгийнх нь л цалинг авдаг байсан. Энэ зарчмаараа аль нэг цалингаа авна.

-Сайд нарыг маргааш томилж амжих уу?

-Монгол Улсын Ерөнхийлөгчтэй зөвшилцөөд, АТГ-аас бичиг нь ирж амжвал өнөөдөр томилоход ч бэлэн байна.

Улмаар шинэ Засгийн газарт ажиллах сайд нарын нэрсийг танилцууллаа.

-Шадар сайд Ө.Энхтүвшин

-ЗГХЭГ-ын дарга Г.Занданшатар

-Байгаль орчин, аялал жуулчлалын сайд Н.Цэрэнбат

-БСШУС-ын сайд Ц.Цогзолмаа

-Зам, тээвэр хөгжлийн сайд Ж.Бат-Эрдэнэ

-Барилга хот байгуулалтын сайд Х.Баделхан

-Гадаад харилцааны сайд Д.Цогтбаатар

-Уул, уурхай хүнд үйлдвэрийн сайд Д.Сумъяабазар

-Эрчим хүчний сайд Ц.Даваасүрэн

-Сангийн сайд Ч.Хүрэлбаатар

-Хууль зүй, дотоод хэргийн сайд Ц.Нямдорж

-Хүнс, хөдөө аж ахуй, хөнгөн үйлдвэрийн сайд

-Б.Батзориг Хөдөлмөр, нийгмийн хамгааллын сайд С.Чинзориг

-Эрүүл мэндийн сайд Д.Сарангэрэл нарыг сайд нэр дэвшүүлж байгаагаа зарлав.




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ

Харцага Б.Бат-Өлзий Сар шинийн барилдаанд түрүүллээ

2018-02-15 20:15

УИХ-ын дарга М.Энхболдын хүү Э.Анар "Алдарт уяач" цолоор шагнууллаа

2018-02-15 13:53

 Ижий, аавынхаа ачийг дурсан санах  энх мэндийн Цагаан сарын баяр  

2018-02-15 13:11

Нийслэлийн ИТХ-ын дарга С.Амарсайхан мэндчилгээ дэвшүүллээ

2018-02-15 11:09

Ерөнхий сайд У.Хүрэлсүх мэндчилгээ дэвшүүллээ

2018-02-14 15:44

С.Амарсайхан: Ард түмний гомдол, бухимдлыг нууж, хааж хуулийг та нар худалдан авч чадахгүй

2018-02-14 11:37

Хятадын хурдны төмөр зам дэлхийн хурдны төмөр замын 66.3 хувьд хүрчээ

2018-02-14 11:31

Хотын дарга 98, 99 настай ахмадуудад хүндэтгэл үзүүллээ

2018-02-14 10:46

О.Балжинням аварга хөдөлмөрийн баатар боллоо

2018-02-14 09:55

Чунчин хотын удирдлагыг Бо Силайгаас авсан Сунь овогтын авлигын хэрэг шүүхэд шилжжээ

2018-02-14 09:30

Ц.Төмөрхуяг гавьяат жүжигчин цол хүртэнэ

2018-02-14 09:20

Д.Чойжамц:Хүн өөрөө сайн сайхан байж чадвал муу муухай зүйл арилдаг  

2018-02-14 09:03

Улаанбаатарт өдөртөө 11-13 хэм хүйтэн байна

2018-02-14 09:06

Барилгын м.кв-ын үнэ 1.2 сая төгрөг болтол буурах боломжтой боллоо

2018-02-13 19:43

Сар шинээр цагдаагийн 760 алба хаагч хөдөлгөөнийг зохицуулна

2018-02-13 14:47

Менингококт халдвараас сэргийлэх зөвлөмж

2018-02-13 13:20

2018 онд 22 газрыг улсын тусгай хамгаалалтад авна

2018-02-13 12:54

Тэрбумтан Ж.Сорос Brexit-ыг хүчингүй болгохоор жагсагчдад 138 мянган доллар нэмж илгээжээ

2018-02-13 12:39

104-р сургуулийн өргөтгөлийн барилгын нээлт боллоо

2018-02-13 12:24

Барилдах тоогоо биелүүлээгүй бөхчүүдийг аварга, арслангууд магнайллаа

2018-02-13 12:02