Өмнөд нь Хойдоо яриа хэлэлцээний замд орохыг шаардлаа

2017-08-11 13:14      ГэрэгМН

Өчигдөр БНСУ-ын засгийн газраас БНАСАУ-ыг хойгийн байдлыг хурцатгах үйл ажиллагаагаа зогсоохыг шаардаж, БНАСАУ-тай яриа хэлэлцээ хийх үүд нээлттэй байна гэдгийг мэдэгдлээ.

Мөн өдөр БНСУ-ын Үндэсний аюулгүй байдлын байнгын хороо хуралдаж, Солонгосын хойгийн асуудлаар ярилцжээ. БНСУ-ын Ерөнхийлөгчийн Хөх ордны хэвлэлийн төлөөлөгч Пак Су Хо "Үндэсний аюулгүй байдлын байнгын хорооноос Солонгосын хойгийн байдал БНАСАУ-ын өдөөн хатгалгаас болж улам хурцдав. Ийм учраас хурцадмал байдлыг буй болгох үйл ажиллагаагаа зогсоохыг Умард Солонгосоос шаардлаа" гэжээ.

Байнгын хорооны хурлаар "Солонгосын хойгийн хурцадмал байдал аль улсад ч ашиггүй. БНСУ АНУ зэрэг чухал талтай хамтран ажиллаж, Батлан хамгаалах бодлогыг үндэс болгож, асуудлыг намжаахад шаардлагатай арга хэмжээ авч, энх тайвныг хамгаалах болно" гэсэн мэдэгдэл гаргав.

М.Баяр




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх