Ченжүүд цементийн үнийг хөөрөгджээ

2017-06-21 10:35      ГэрэгМН

Цемент тонн тутамдаа 80 мянган төгрөгөөр нэмэгдэн 240 мянгад хүрчээ. Ийнхүү бүтээн байгуулалт ид өрнөх үеэр барилгын салбарын компаниудад дарамт болж эхэлжээ. Мөн замын компаниудад ч хүндрэлтэй юм.

Тэгвэл цемент үйлдвэрлэгчдийн зах зээлд нийлүүлэх үнэд өөрчлөлт ороогүй бөгөөд харин ченжүүд эрэлтийг дагуулж энэхүү үнийн өсөлтийг бий болгосон гэж холбогдох яамны зүгээс үзэж байгаа аж.

Өнгөрсөн амралтын өдрүүдэд нэг тонн цементийн үнэ барилгын материалын захуудад 80 орчим мянган төгрөгөөр нэмэгджээ. Үнэ нэмэгдэж, нийлүүлэлт багасахад “Хөтөл”, “Монцемент”, “Мөнхийн баян гал” зэрэг үйлдвэрлэгч компаниудын үйл ажиллагаа нөлөөлсөн гэнэ.

Харин өнөөдрөөс цементийн нийлүүлэлт жигдэрч байгаа учраас үнийн хувьд тогтвортой болох боломж бүрдэнэ гэж албаны хүн хэллээ.

Цементийн үнэ тонн тутамдаа нэмэгдсэн шалтгаан нь цементийн үйлдвэрүүдийн бүтээгдэхүүн нийлүүлэлт, өдөр тутмын үйл ажиллагаатай холбоотой байсныг Барилга хот байгуулалтын яамны газрын дарга Д.Занабазар тайлбарлалаа. 

Тэрбээр “Хоногт 2000 тонн цемент үйлдвэрлэдэг “Хөтөл”-ийн үйлдвэр цахилгааны хязгаарлалтад өртөж, үйлдвэрлэл нь 2-3 хоног зогссон. Мөн 700-800 тонн цемент үйлдвэрлэдэг “Монцемент” компани өнгөрсөн долоо хоногт Оюутолгой компани руу шууд бүтээгдэхүүнээ нийлүүлж таарсан.

Хятадын хөрөнгө оруулалттай “Мөнхийн баян гал” компанийн тухайд “Хөшиг”-ийн хөндий дэх шинэ нисэх онгоцны буудал руу зам тавихад зориулсан цемент нийлүүлж, зах зээлд нийлүүлдэг хэрэглээний цементээ түр зогсоосон байсан.

Гэхдээ цементийн нийлүүлэлт өнөөдрөөс хэвийн болж, үнэ нь тонн тутамдаа бууж, 180 мянган төгрөг боллоо. Нийлүүлэлтийн хомсдолоос үүссэн цементийн үнийн хөөргөдөл ойрын хугацаанд буурч, 170 орчим мянгад хүрэх таамаг ажиглагдсан. Дээрх гурван компани Улаанбаатарт хоногт 4000 тонн цемент нийлүүлдэг' хэмээсэн.

Цаашид үйлдвэрүүдийн бүтээгдэхүүн нийлүүлэлтээс үүдэлтэй цементийн үнэ нэмэгдэхгүй гэсэн баталгаа алга. Мөн үйлдвэрүүдэд цементээ нөөцлөх зориулалтын агуулах байдаггүй нь ченжүүд үндэсний үйлдвэрүүдээс цементээ үйлдвэрийн үнээр бөөндөж аваад, компаниудад дамлан зарах байдлыг нэмэгдүүлдэг ажээ.

Ийм тохиолдолд ченжүүдийн үнийг салбарын яам болоод хяналтын байгууллагууд хянаж, барих боломжгүй гэнэ. Монгол Улс 2013-2014 онд буюу хамгийн их бүтээн байгуулалттай байсан тухайн жилд 2.2 сая тонн цемент хэрэглэжээ.

Харин эдүгээ жилд 1.5 сая тонн цемент дотоодын хэрэгцээнд шаардлагатай гэж салбар яам нь тооцоод буй. Цементийн үйлдвэрийг эх орондоо байгуулж, дотоодынхоо цементийн хэрэгцээг хангах зорилготой үйлдвэрүүд шинээр баригдаж, ашиглалтад орсон.

Дотоодын дөрвөн үйлдвэр нийлээд гурван сая тонн цементийг нэг жилд үйлдвэрлэх хүчин чадалтай болсон. Тиймээс Засгийн газар үндэсний үйлдвэрүүдээ дэмжин, 2015 оны наймдугаар сард тогтоол гаргаж, импортын цементийн тонн тутамд ноогдуулах татварыг 20 хувиар нэмсэн байдаг.

С.Тамир




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ

"Aрсенал" Фекирт 60 сая доллар төлөн эгнээндээ нэгтгэхэд бэлэн байна

2017-11-18 16:08

Маргааш хилийн автозамын боомтууд амарна

2017-11-18 13:41

“Fitch”Монголын зээлжих зэрэглэлийг өсгөлөө

2017-11-18 13:32

АНУ-ын Конгрессын Төлөөлөгчдийн танхим татварыг 35-20 болгон буулгах хууль баталлаа

2017-11-18 12:48

Г.Уянга Ерөнхийлөгчийн зөвлөх болов

2017-11-18 11:39

Хакүхо ганцаараа тэргүүлж эхэллээ

2017-11-18 11:29

Турк, Орос, Иран улсын ерөнхийлөгч нар Сирийн асуудлаар хэлэлцээ хийнэ

2017-11-17 16:38

МАН дүрэм, мөрийн хөтөлбөрөө шинэчилнэ

2017-11-17 16:32

Ж.Төмөрсүх: Байгаль хамгаалагчид бидний сэтгэлд эх орноо хамгаалах зорилго үргэлж хадаатай байдаг

2017-11-17 16:19

Шударга ёсыг тогтоож,төрийг мафиас салгах чин зорилгыг нь дэмжиж МАН-ын даргаар У.Хүрэлсүхийг сонгоё

2017-11-17 14:01

АНУ-ын сенат Пентагон /БХЯ/-ы төсвийг 700 тэрбум доллараар баталлаа

2017-11-17 13:21

Нийслэлийн 2018 оны төсвийн төслийг өргөн барилаа

2017-11-17 13:05

УИХ-ын гишүүн Ц.Даваасүрэн: Сонсголоо хий, төр цэвэршинэ

2017-11-17 12:36

Хакухо башёг унаагүй тэргүүлж байна

2017-11-17 12:28

Хойд Солонгос Аляскт цөмийн цохилт өгөх боломжтой тул бэлтгэхийг зөвлөлөө

2017-11-17 12:03

Төрөөс мөнгөний бодлогын талаар 2018 онд баримтлах үндсэн чиглэлийг баталлаа

2017-11-17 11:29

Ухаалаг хот гэж ямар хотыг хэлэх вэ

2017-11-17 11:15

Н.Цэрэнбат: Их хөгжлийн, их орлогын, их ойлголцлын ажлуудыг би хийнэ

2017-11-17 11:03

Дрогба 2018 онд зодог тайлна

2017-11-17 10:13

11 дүгээр сарын 18-ны 24 цагаас өмнө НӨАТ-ын баримтаа бүртгүүлээрэй

2017-11-17 10:07