Хятадын археологичид 8.5 мянган жилийн өмнөх үеийн анхны торго илэрсэн гэв

2017-01-11 08:01  

Хятадууд эртний булшны судалгаагар олж авсан мэдээллээр, наад зах нь 8.5 мянган жилийн өмнө торго бөс материалуудыг хийж сурсан нь нотлогдсон тухай РИА Новости мэдээлсэн байна.

Археологийн нээлтийн бодит баялаг нь 60 жилийн өмнө нээсэн Жиаху тосгоны /Хэнань муж/ булш болж байгаа аж. Энэ нь хятадын ард түмний эртний газар гэж хүмүүс үзсэн бөгөөд наад зах нь 9000 жилийн өмнө тэнд амьдарч эхэлсэн ч хоёр мянган жилийн дараа тосгоныг орхижээ. Олон жилийн турш судлаад тэндээс эртний хөгжмийн зэмсгийн үлдэгдэл бичгэн нотлох баримт, анхны таримал ургамал зэргийг олсон байна.

Тэгвэл энэ удаа эрдэмтэд хувцас, гэр ахуйн эд зүйлсийн ул мөрийг олно гэдэгтээ найдаж хөрсний химийн шинжилгээ хийжээ. Ингээд гэнэтийн бэлэг олсон нь нэг булшинд fibroin уургийн ул мөр байхыг олсон байна. Түүнд нь хүр хорхойн шүлс буюу торгоны үүсвэр их хэмжээгээр байжээ.

“Энэ нь Жиахугийн иргэд торго хэрхэн ашиглаж байсныг хэлэхэд хэцүү ч, харин бид тэд өөрсдийн үхсэн нэгнээ оршуулахдаа торго даавуу хийсэн гэж үзэж байна. Энэ булшнаас бид утас ээрэх ясан зүү, багаж хэрэгсэл олсон учраас энэ санааг дэмжиж байгаа” хэмээн Хятадын Хэфейн Шинжлэх ухаан, технологийн их сургуулийн судлаач Децай Гун өгүүлжээ.

Жич: Энэхүү булшийг Орос болон өрнөдийн судлаачид 5500-7000 мянган жилийн өмнөх гэж үздэг ч хятадууд өөрсдөө 9000 жилийн өмнөх гэдэг байна. Шинэ чулуун зэвсгийн үеийн гайхалтай дурсгал гэдэг.

М.Баяр




Манай сайт таалагдаж байвал л LIKE дараарай


Сэтгэгдэлүүд


Анхааруулга! Уншигчдын бичсэн сэтгэгдэлд gereg.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл нэмэх

 

Шинэ мэдээ

Цаг үе

Үүл буудаж, цас оруулжээ

2018-04-19 15:08